ताहिर शेष राई (साहिल)
बाँके भदौ ९ गते ।
नेपाल मोहरर्म तथा कर्बला संरक्षण समिति, मोहरर्म पर्व एवं कर्बला समिति र नेपाल मोहरर्म समिति धम्बोझीको संयोजकत्वमा संयुक्त प्रेस कान्फ्रेन्सको आयोजना गरिएको छ । कोरोना छ बेरहम, मर्नु बाकी छैन कुनै पनि धर्म भन्ने नाराका साथ कान्फ्रेन्सको मोहरर्म कमिटीका प्रवक्ता मोहम्मद हारुन हालवाईले उद्घाटन गर्नु भएको छ ।
बिगत लामो समय देखि बिश्वभरी कोरोना भाइरसको महामारी फैलिएपछि बर्षौ देखि नेपालगन्जमा मुस्लिम धर्मावलम्बीले मनाउँदै आएका मोहरर्म पर्ब यस पटक कोरोनाको जोखिमलाई मध्यनजर गर्दै सरकारले लगाएको नियमको पूर्ण रुपमा पालना गरि मनाउँदै छन् ।
सदभावको शहर नेपालगंजमा इस्लाम धर्मावलम्बीहरुको महान पर्ब मोहरर्म हरेक बर्ष हर्षोल्लासका साथ मनाउँदै आएपनि यस बर्ष कोरोना भाइरसको आतंक उच्च रहेको कारणले यस बर्षको मोहरर्म पर्ब हरेक बर्ष भन्दा फरक ढंगले मनाउने भएका हुन । यस बर्ष कोरोना भाइरसको प्रकोप फैलिएका कारण स्थानीय सरकारले कोरोना भाइरसलाई नियन्त्रण गर्नका लागि हरसम्भव प्रयास गरि रहेका बेला संयुक्त मोहर्रम कमिटी पनि यस बर्षको मोहरर्म पर्ब सामाजिक दुरी तथा सरकारको नियमको पूर्ण पालनाका साथ मोहरर्म पर्व मनाउने निर्णय गरेको हो ।
लब्बैक या हुसैन १४४२ हिजरी भन्ने नाराका साथ संयुक्त मोहर्रम समितिले मंगलबार नेपालगञ्जमा पत्रकार सम्मेलनको आयोजना गरी मोहरर्म समितिका अध्यक्ष मोहम्मद याकुब अन्सारीले बोल्दै यस वर्ष बिश्वभरी कोरोना भाइरसको महामारी फैलिएको र नेपालगञ्ज बजारमा दैनिक रुपमा कोरोना संक्रमितहरु देखापरि रहेका कारणले स्थानीय प्रशासनले जारी गरेको सामाजिक सुरक्षा मापदण्ड अनुसार यस बर्षको मोहर्रम पर्व मनाउने निर्णय गरिएको बताउनु भयो ।
मोहरर्मको ९ तारिखको राती ताजिया राख्दै आएका व्यक्तिहरुले आ–आफ्नो घर अगाडी ताजिया राखि सामाजिक दुरी कायम गर्दै हरेक बर्ष मोहरर्मको समयमा राति गरिने सम्पुर्ण कार्यक्रमहरु यस बर्ष कोरोना संक्रमणलाई ध्यानमा राख्दै कुनै पनि कार्यक्रम अथवा भेला नगर्न साथै १० तारिखका दिन ताजिया सेलाउन कर्बला जादा पालैपालो भिडभाड नगरी सुरक्षित ढंगले कर्बला जान पत्रकार सम्मेलन मार्फत समुदायलाई मोहरर्म समिति धम्बोझीले समुदायमा अनुरोध समेत गरेका छन ।
कान्फ्रेन्समा पुर्व मदरसा बोर्डका अध्यक्ष मौलाना मंसुर आरफी, नेपाल मुस्लिम मुक्ती मोर्चाका अध्यक्ष अतहर हुसैन फारुकी, मेराज अहमद (हिमालय) र मुस्लिम अगुवा तथा राजनीतिक दल लगायत विभिन्न सञ्चारमाध्यमका सञ्चारकर्मीहरुको उपस्थिति रहेको थियो । यसैबीच पत्रकार सम्मेलनमा प्रवक्ता हारुनले आज श्री श्री १००८ श्री हिरामान हरि शंकर गिरि नागा बाबा यस संसारबाट अलबिदा लिएको हुँदा उहाँको अनुपस्थिति धार्मिक एवं सामाजिक क्षेत्रमा जहिले पनि खटकिरहने छ भनी श्रद्धाञ्जली व्यक्त गरेका छन् ।
Discussion about this post