बाँके भदौ ११ गते ।
विश्वब्यापी नोवेल कोरोना भाईरस (कोभिड(१९) रोकथाम र नियन्त्रणकालागी कोहलपुरमा झण्डै ३ करोड रुपैया खर्च भएको विवरण सार्वजनिक भएको छ । कोहलपुर नगरपालिकाका लेखा अधिकृत सुदिप सुनारले कोरोना नियन्त्रणमा नगरभित्र २ करोड ७८ लाख ३९ हजार ५ सय ९ रुपैया खर्च भएको जानकारी दिए ।
सुनारका अनुसार गाडी भाडा तर्फ मात्रै १९ लाख ६ सय ४२ रुपैया खर्च भएको छ । कोहलपुर नगरपालिकाले कोरोना महामारी नियन्त्रण तर्फ ३४ लाख ९८ हजार ७ सय २२ रुपैया खर्च भएको छ । कोहलपुर नगरपालिकामा आईसोलेशनमा खटिएका खाजा र आवास सुबिधा बापत ५ लाख २० हजार २ सय ९० र आईसुलेशनमा खटिएका स्वाथ्यकर्मीहरुको दैनिक खाजा खर्च वापत १ लाख ६६ हजार ६ सय खर्च भएको कोहलपुर नगरपालिकाले जनाएको छ ।
पिपरी कृषि विकास तालिम केन्द्र क्वारेन्टाईन सेन्टर र अन्य क्वारेन्टाईनमा २ लाख ९४ हजार १४ रुपैया खर्च भएको छ भने क्वारेन्टाईन व्यवस्थापनका लागि आवश्यक सामाग्री बापत ३ लाख ७८ हजार ५ सय २२ रुपैया खर्च भएको छ ।
अन्य आवश्यक समाग्री खरिद वापत १ लाख २१ ह्जार ८ सय खर्च गरेको कोहलपुर नगरपालिकाले जनाएको छ ।
सन्देश मुलक सुचना जारी र व्यानर छपाईमा ३ लाख २२ हजार ७ सय ९८ हजार खर्च भएको नगरपालिकाले जनाएको छ । त्यसैगरी १ देखि १५ वडा सम्मका क्वारेन्टाईन व्यवस्थापन २८ लाख १९ हजार ४२ रुपैया खर्च भएको छ। १ देखि १५ नं वडासम्म पहिलो चरण राहात वितरणमा ४८ लाख ७९ हजार ६ सय र दोस्रो चरणका राहात वितरणमा १ करोड १० लाख ३३ हजार ७ सय ७९ र कोहलपुर नगरपालिका वडा नं. १२ मा थप राहात वितरण ५ लाख ८० हजार र वडा नं १० मा २ लाख खर्च भएको कोहलपुर नगरपालिकाले जनाएको छ ।
Discussion about this post