बाँके भदौ २४ गते ।
कोहलपुरका ब्यापारी तथा साहीत्यकार सागर गैरेको पहिलो कृति प्रकाशनको तयारीमा रहेको छ । कोरोना भाईरसका कारण उत्पन्न परिस्थिती र बन्दाबन्दीको समयमा सृजना गरीएका निबन्धहरुको संग्रहका रुपमा गैरेको ‘लकडाउन’ प्रकाशन हुन लागेको हो । मंगलबार सामाजिक संजाल फेसबुकमार्फत गैरेले आफ्नो पहिलो कृतिको आवरण सार्वजनिक गरेका छन ।
देबेन्द्र थुम्केलिले तयार पारेको ‘लकडाउन’ को आवरण आकर्षक देखिएको प्रतिक्रिया पाएपछि हौसियका गैरेले यसै वर्षभित्र ‘बा’ उपन्यास र ‘बलैइगाउँ देखि बाकुसम्म’ नियात्रा सँग्रह प्रकाशित गर्ने तयारी समेत गरेका छन । हाम्रो पूर्णिमा साहित्य प्रतिष्ठान कोहलपुर प्रकाशक रहने गरी बुलबुल पब्लिकेशन काठमाडौंले गैरेको पहिलो कृति बजारमा ल्याउने तयारी गरेको छ ।
पूर्णिमा साहित्यिक पत्रिकाका सम्पादक समेत रहेका गैरेका अनुसार ‘लकडाउन’ मा ४१ वटा निबन्धहरु समावेश गरीएको छ । अबको दुई साताभित्र सार्वजनिक गर्ने तयारीका साथ पुस्तक छपाईको अन्तिम काम भईरहेको गैरेले जानकारी दिए ।
Discussion about this post