ताहिर शेष राई (साहिल)
बाँके भदौ २४ गते ।
लर्ड बुद्ध एजुकेशन एकेडेमी नेपाल र स्वास्थ्यकर्मी तथा कर्मचारी युनियन प्रतिष्ठान स्तर केन्दीय कमिटी नेपालगंजको आयोजनामा “रक्तदान जीवनदान” कार्यक्रम समापन गरेको छ ।
रक्तदान कार्यक्रममा मेडिकल कलेजमा कार्यरत चिकित्सक, कर्मचारी, हेल्पर, क्लिनर तथा सर्वसाधारण लगायत गरि करीब तीस जनाले रक्तदान गरेका हुन् । लर्डबुद्ध एजुकेशन एकेडेमी लि. अन्तर्गत नेपालगंज मेडिकल कलेज शिक्षण अस्पतालमा उपचारको क्रममा दुर्गम क्षेत्रबाट सुत्केरी हुन आउने महिलाहरुलाई रगतको अति आवश्यक पर्ने भएकोले रक्तदान कार्यक्रम गरेको हो ।
समस्यामा परेका महिलाहरु र अन्य बिरामीहरुलाई समेत टेवा पुग्नका लागि कर्मचारी युनियनले “रक्तदान जीवनदान” अभिप्राय कार्यक्रम गरेको छ । विश्वभरि कोरोनाको विषम परिस्थितीलाई मध्येनजर गर्दै रक्तको आभावका बेला बिरामीहरुलाई टेवा पुर्याउने उद्देश्यले रक्तदान कार्यक्रम गरेको युनियनका अध्यक्ष मुनीर खानले जानकारी दिनु भयो ।
कार्यक्रममा कर्मचारी युनियनका अध्यक्ष तथा सभापति मुनीर खान, प्रमुख अतिथी टी.एन. रावत, लर्डबुद्ध एजुकेशन एकेडेमीका प्रबन्ध सञ्चालक तथा कार्यक्रमका विशिष्ट अतिथी डा. सुरेश कुमार कानोडिया, नेपालगंज मेडिकल कलेज शिक्षण अस्पताल कर्मचारी संगठन केन्द्रीय कमिटी कोहलपुरका सभापति कुशमाखर बस्याल, उपसभापति मुस्लिम खान, महिला उपसभापति सुमन गिरी, महासचिव रत्ना गिरी, कर्मचारी संगठन विभागीय अध्यक्ष अशोक कुमार दीक्षित, कर्मचारी संघ केन्द्रीय कमिटीका अध्यक्ष यम बहादुर खडका, उपभापति डा. पंकज कुमार गुप्ता, विभागीय अध्यक्ष चन्द नारायण मण्डल, सचिव विजय कुमार त्रिपाठी, प्रदेश नं. ५ का स्वास्थ सचिवालय सदस्य अब्दुल हुसेन खाँ, अस्पताल मेट्रोन ममता शर्मा, फिजिसियन डा. सुभाष योगी, नवजात तथा बालरोग विशेषज्ञ डा. पियुष कुमार कानोडिया, पैथोलोजिष्ट डा. सुवर्ण आचार्य लगायतको उपस्थिति रहेको थियो ।
कार्यक्रम उदघाटनमा बोल्दै डा. कनोडियाले भन्नू भयो “रक्तदान जीवनदान” हो रक्तदान गर्नले मानिसको शरीरमा कुनै नोक्सानी नहुने र शरीरमा नयाँ सेलका फ्रेश रगत निर्माण हुने गर्दछ । रक्तदानले बिरामीहरुले नयाँ जीवन पाउने गर्दछन् । उता युनियनले गरेको रक्तदान दुर्गम क्षेत्रबाट उपचार गराउन आउने बिरामीहरुको स्वास्थ्यमा मद्दत पुर्याउने बताए ।
रक्तदान कार्यक्रममा सहयोगका लागि खटिएका नेपाल स्वास्थ्यकर्मी तथा कर्मचारी युनियनका उपाध्यक्ष रईस शाही, सह–सचिव नुतन सिंह, कोषाध्यक्ष सुमिता कनौजिया, सदस्य सुनिता तिवारी, रिता बोहरा, शारदा क्षेत्री, राजित राम यादव तथा स्वयम् सेविका एंगिरा रेग्मी, झरना बुढाथोकी, कोहेनूर फारुकी, शर्मिला थापा, अर्चना श्रेष्ठ, लगायत कर्मचारीहरुले ब्लड प्रेसर चेकजाँच गरी रक्तदाताहरुलाई सहयोग गरेका थिए ।
कर्मचारी युनियनका अध्यक्ष तथा सभापति मुनीर खानले रक्तदान कार्यक्रमलाई सफल भएकोमा सबैलाई धन्यवाद दिंदै कार्यक्रमको समापन गर्नु भएको थियो । कर्मचारी युनियनका सचिव अनिता थापाले कार्यक्रमको सहजीकरण गर्नु भएको थियो ।
Discussion about this post