बाँके कार्तिक २५ गते ।
जिल्ला हाप्किण्डो संघ बाँकेले मोहम्मद डे, विज्यादश्मी, छठपर्व तथा तिहारको अवसरमा शुभकामना आदानप्रदान गरेको छ । कार्यक्रममा बोल्ने सहभागीहरुले खेलकुदको विकासका लागि राज्यले थप लगानी लगाउनु पर्ने बताउनुभएको छ ।
उहाँहरुले खेलकुदको विकासलाई प्राथमिकता दिनु पर्ने बताउनुभयो । कार्यक्रमका प्रमुख अतिथि संघीय सांसद महेश्वर गहतराज अथकले खेल जगत मानव जातिको लागी धेरै उपलब्धि मूलक र अवसर मूलक रहेकोले खेल जगतमा युवाहरू लगायत सबै जनाको सहभागिता हुनुपर्ने आवश्यकता औल्याउनुभयो । सरकारले खेलकुदको लागी विभिन्न योजना तथा नितिहरु ल्याउँने योजनामा हुँदा हुँदै कोरोना महामारी जस्तो वैभव परिस्थितिले प्रभाव पारेको उहाँको भनाइ छ ।
कोरोनाबाट पर्यटकिय क्षेत्र, व्यवसाय राजनीतिक क्षेत्र, प्रशासनिक क्षेत्र, धार्मिक तथा सांस्कृतिक क्षेत्रमा प्रभाव पर्नुको साथ खेल जगतलाई पनि निकै ठुलो असर पुगेको उहाँको भनाइ छ । नेकपा नेता समेत रहेका अथकले नेकपा सरकारले खेलकुदलाई प्राथमिकता दिएको बताउनुभयो ।
उहाँले स्थानीय तहले खेलकुदका योजनाहरु नल्याएको टिप्पणी गर्नुभयो । नेकपाको सरकारले खेलकुद क्षेत्रलाई ठूलो आशा र लगानी लगाएको पनि दावी गर्नुभयो । सरकारले खेलकुदमा लगानी गर्ने विभिन्न योजना तथा नितिहरु ल्याउने गरेको पनि उहाँको भनाइ छ । आठौं खेलकुदले बाँकेमा ठूलो पूर्वाधार निर्माण भएको भन्दै त्यसको संरक्षणका लागि आफुहरु जुटेको बताउनुभयो ।
त्यस्तै नयाँ योजनाका लागि पनि पहल भइरहेको उहाँको भनाइ छ । बाँकेका सबै पालिकामा खेलकुदग्राम बनाइने उहाँको तर्क छ ।
बढ्दो कोरोना महामारीलाई ध्यानमा राखी आउँदै गरेको छठ पर्व तथा तिहारको अवसरमा सम्पुर्ण सुरक्षात्मक गतिविधि अपनाउन आग्रह गर्दै हाप्किण्डो संघका केन्द्रीय अध्यक्ष कालीबहादुर घर्ती मगरले शुभकामना व्यक्त गर्नभयो । उहाँलेको खेल जगत सम्पुर्ण मानव जगतको लागी उपलब्धि मूलक रहेकोले सबैले खेल जगतबाट जुड्नु पर्ने आवश्यकता औल्याउनुभयो । खेल व्यक्तिको शारीरिक मानसिक विकास तथा आत्मरक्षा गर्नु साथ पहिचान बनाउन सहयोग गर्नुको साथ देशको गौरव समेत बढाउने गर्दछ उहाँले भन्नुभएको छ ।
खेल जगतबाट सम्पुर्ण जिल्लाका नागरिकहरुलाई जुट्न आग्रह गर्दै नेपालको ७ वटै प्रदेश मै ५४ वटा जिल्लामा हाप्किण्डो संघको विस्तार भइसकेको जानकारी पनि गराउनु भएको थियो । आउने केहि महिना पछि जिल्ला बाँकेमा सेमिनार गर्नुको साथ ७७ वटै जिल्लामा हाप्किण्डो संघको बिस्तार गर्ने संघले उद्देश लिएको उहाँको भनाइ छ ।
कार्यक्रममा जिल्ला प्रहरी कार्यालय बाँकेको एसपी ओम बहादुर राना, वडाका प्रहरी इन्चार्ज डिल्ली बहादुर खड्क , वरिष्ठ पत्रकार कमल निर्मोही , हिन्दु समुदायको अगुवा तथा सद्भाव समितिका अध्यक्ष चन्द्रनाथ योगि, मुस्लिम समुदायको अगुवा तथा सद्भाव समितिका अध्यक्ष मौलाना जब्बार मञ्जरी, हाप्किण्डो संघको जिल्ला अध्यक्ष बुद्धिराज बर्तौला वरिष्ठ उपाध्यक्ष अतुल गुप्ता र उपाध्यक्ष मोहसिन हलवाई लगायतको उपस्तिथि रहेको थियो । जिल्ला हाप्किण्डो संघ बाँकेका अध्यक्ष बुद्धिराज बर्तौलाको सभापतित्वमा कार्यक्रम भएको हो । सो अवसरमा खेलका लागि सधैं सहयोगका साथ आगाडी बध्ने जिल्ला हाप्किण्डो संघ बाँकेका वरिष्ठ उपाध्यक्ष अतुल गुप्ताले खादा ओडाई सम्मान गर्नुभएको थियो ।
Discussion about this post