बाँके कार्तिक २८ गते ।
बाँके नेपालगन्ज न्युरोड नजिक मासु पसल सन्चालन गर्ने थ्री स्टार फ्रेस हाउसलाई सिल गरिएको छ । आज शुक्रबार विहान सयुक्त अनुगमन टोलिले अनुगमन गर्दा फ्रेस हाउसले कुहिएर गनाउने भएको खसीको मासु विक्रि गरेको भेटेपछि ५० हजार जरिवाना सहित पसल सिलगरिदिएको हो ।
उपभोक्ताको स्वास्थ्यमा असर गर्ने क्रियाकलाप गरेको भन्दै तत्कालका लागी अनुगमनका क्रममा भेटिएको ३५ किलो गनाउने मासु बरामत गर्दै जरिवाना गरिएको बाणिज्य उपभोक्ता तथा संरक्षण कार्यालयका निमित्त प्रमुख कृष्ण प्रसाद पौडेलले जानकारी दिए ।
थ्री स्टार फ्रेस हाउसले यस अघि पनि गुणस्तर हिन मासु उपभोक्तालाई विक्रि वितरण गर्दै आएको थियो । पसलले दर्ता नगरेरै मासु पसल सन्चालन गरेको र मासु पसल मापदण्ड अनुसार संचालन नगरेकालेसम्पुर्ण प्रक्रिया पुगाएर मात्र पसल खोल्न दिइने बाणिज्य उपभोक्ता तथा संरक्षण कार्यालयका निमित्त प्रमुख पौडेलले जनाए । वडा प्रहरी कार्यालयको टोलि समेत पुगेको थियो ।
Discussion about this post