बाँके पुस १५ गते ।
नेकपा नेता महेश बस्नेतको फेसबुक स्टाटसमा कमेन्ट लेखेका एक व्यक्ति मंगलबार राती नेपालगन्जवाट पक्राउ परेका छन । गोर्खाज फाइनान्स बैंकमा सेक्युरीटी गार्डमा कार्यरत नेपालगंज–१८ का डिल्ली बहादुर चन्दलाई फेसवुकमा कमेन्ट लेखेको भन्दै बाँके प्रहरीले पक्राउ गरेको हो ।
चन्दले करिव आठ महिना अघि नेकपा नेता महेश बस्नेत र पूर्व आईजीपी सर्वेन्द्र खनालको फेसवुक स्टाटसमा आँर्कोस पोख्दै कमेन्ट गरेको र सोही कमेन्टकै आधारमा चन्द पक्राउ परेको बताईएको छ ।सेक्युरीटी गार्ड चन्द पक्राउ परेको विषयमा बाँके प्रहरी प्रमुख ओमबहादुर रानाले साईवरक्राईम अन्र्तगत जिल्लामा कुनै थाहा नहुने र अनुसन्धान गर्न नमिल्ने भएकोले माथिको आदेशानुसार काठमाडौ पठाईएको बताए ।
चन्दलाई केही समय अघि गल्ती स्विकार गरेको निवेदन दिन लगाएर फेसवुक कमेन्ट डिलिट गर्न लगाईएपनि नेता बस्नेतको निर्देशनमा रातारात काठमाण्डौ झिकाइएको पारीवारीक स्रोतको दावी छ । उनी नेपाली काँग्रेस बाँकेका सदस्य रहेको बताईएको छ ।
Discussion about this post