बाँके वैशााख १६ गते ।
राष्ट्रिय निकुञ्ज क्षेत्रमा जंगली जनावर सवारी साधनमा आफै आएर ठोक्किएर मर्यो भने चालकले सजाय भोग्नु पर्छ । तर, नेपालगन्ज उपमहानगरपालिका वडा नं. ८ स्थित चिडियाखानामा बाहिरबाट पसेका कुकुरले चार वटा चित्तल मार्दासमेत नेपालगन्ज उपमहानगर मौन छ नै घटना लुकाउने प्रयास समेत गरेको छ ।
बाहिरबाट पार्कमा पसेका कुकुरले बुधवार विहान करिव ३ वजेको समयमा दुई पोथी, एक भाले र एक महिने चित्तललाई खोरमै पसेर मारेको पार्कका चौकिदार हरि घरुकले बताए ।
उनले पूर्वतर्पmको पर्खालबाट ६ वटा कुकुर एक साथ आएर चित्तलको खोरमा पसेको बताए । ‘पर्खाल हाम फालेर पसेका कुकुरले पहिले पनि अष्ट्रिचलाई घाइते बनाएका थिए । पर्खालबाट कुकुर आउने गरेको जानकारी मैले पहिले नै गराएको हुँ, तर कुनै सुनुवाई भएन,’ उनले भने ।
चिडियाखाना मर्मतका लागि हरेक वर्ष वजेट विनियोजन भए पनि सदुपयोग नभएको स्थानीय बताउँछन् । चिडियाखाना मर्मत तथा संरचना निर्माण गर्न गत आवमा १० लाख विनियोजन भएता पनि अधुरो संरचना निर्माण भएको छ ।
‘आजभन्दा २० वर्षअघि पर्खाल र चित्तलको खोरमा लगाएको जाली खियाले खाएर जीर्ण बनेको छ । मर्मतका लागि हरेक वर्ष वजेट आउँछ, तर काम भएका देखिदैन,’ एक स्थानीयले भने ।
कुकुरले चित्तल मारेको भनिए पनि पोष्टमार्टम नै नगरि गाडिएको छ । के कारणले मरेको हो भन्ने जान्न पोष्टमार्टम गर्नुपर्ने हुन्छ । तर उपमहानगरले सामान्य मुचुल्का बनाएर मरेका चित्तललाई खाल्डोमा गाडेको छ । ‘कुकुरले मारेको भनाईको आधारमा सामान्य मुचुल्का उठाएर पार्क भित्रै गाडिएको छ,’ एक कर्मचारीले भने ।
पार्कमा रहेका जंगली जनावरको राम्रो हेरचाहा गर्न नसकेको भन्दै सर्वत्र आलोचना भएको छ । संरक्षण गर्न नसक्ने हो भने जंगलमा छाड्नु पर्ने सर्वसाधारणले माग समेत गरेका छन् ।
‘अनाहकमा चार वटा चित्तलले ज्यान गुमाए । कि राम्रोसँग संरक्षण गर्नु पर्यो, होइन भने जंगलमा लगेर छोड्नु पर्यो,’ नेपालगन्ज उपमहानगरपालिका ९ का एक स्थानीयले भने ।
हेरचाहामा हेलचक्र्याई गर्ने ठेकेदार र कर्मचारीलाई कारबाही गर्नुपर्ने माग समेत उठेको छ ।
निकुञ्ज क्षेत्रमा कुनै गाडीमा आफै आएर ठोक्किएर जंगली जनावर मरे चालकलाई कारवाही भए जस्तै चिडियाखानामा रहेका जंगली जनावरको हेरचाहा गर्न नसक्ने ठेकेदार र कर्मचारीलाई कानुन बमोजिम कारवाही हुनु पर्छ,’ एक स्थानीयले भने ।
Discussion about this post