काठमाडौं चैत ९ गते ।
कृषि तथा पशुपंक्षी विकासमन्त्री पद्मा अर्यालले किसानलाई नोक्सान नहुने गरी कृषि क्षेत्रमा विदेशी लगानी भित्र्याउनुपर्ने बताएकी छन्।
सोमबार खाद्यका लागि कृषि अभियानले गरेको कृषि विकासका समसामयिक सवालहरु छलफल कार्यक्रममा मन्त्री अर्यालले कृषि क्षेत्रको विकासका लागि ठूलो लगानी जरुरी भएकाले देशका किसानलाई नोक्सान नहुने गरी कृषिमा विदेशी लगानी भित्राउनुपर्ने बताएकी हुन्। कृषिको विकासका लागि आवश्यक लगानी सरकारको सामर्थ्य नपुगेको भन्दै विदेशी लगानीलाई आकर्षित गर्नुपर्ने उनको भनाइ छ।
‘हाम्रा साना व्यवसायी किसानहरुलाई मार्नेगरी होइन‚’ मन्त्री अर्यालले भनिन्‚ ‘उहाँहरुको संरक्षण गर्ने गरी, उहाँहरुको अझै थप विकास गर्ने गरी कृषि क्षेत्रमा ठूलो लगानीको जरुरी पनि छ।’
मन्त्री अर्यालले कोभिड १९ का कारण विदेशबाट रोजगारी गुमाएर स्वदेश फर्किएका युवाहरुलाई हजारौँको संख्यामा रोजगारी सिजर्ना सिर्जना गर्ने पनि बताइन्। ‘कोभिड १९ का कारणले वैदेशिक रोजगारीबाट विस्थापित भएर स्वदेश फर्केका युवाहरु हजारौँ युवाहरुलाई रोजगारीको कार्यक्रम लिएर अगाडी बढेका छौँ‚’ उनले भनिन्‚ ‘व्यावसायिक हिसाबले लैजाने गरी हजारौं युवालाई रोजगारी दिने गरी अगाडि बढेका छौँ।’
मन्त्री अर्यालले कृषि क्षेत्र उकालो लागेको दाबी पनि गरिन्। तत्कालै रासायनिक मलको विस्थापित गर्न नसकिने भएकाले प्राङ्गारिक मलको उत्पादन गर्न अभियान चलाउनुपर्ने उनको भनाइ छ।
Discussion about this post