खोजखबर संवाददाता
बाँके भदौ २८ गते । नगर स्तरीय नगर युवा सदभाव समितिमा पत्रकार मधु पौडेलको संयोजकत्वामा १५ सदस्यीय युवा सदभाव समिति नेपालगंजमा आज गठन गरीएको छ । गैरसरकारी महासंघ बाँके शाखाका अध्यक्ष नमस्कार शाहको उपस्थितिमा लगाएतको भेलाले पत्रकार पौडेललाई नेपालगंज उपमहानगरपालिकाको संयोजकमा छनौट गरेको हो । यसैगरी समितिको सहसंयोजकमा बाल अभियान्ता साहील अंसारी, सचिवमा चिरिञ्चिवि गौतम तथा कोषाध्यक्षमा सुमिना अधिकारी रहेका छन । समितिको सदस्यमा राजेन्द्र विष्ट,राज वर्मा,समिर अलि वेहना, गिता गोसाई,मो.आशिफ अन्सारी,अमृता चन्द,मनिषा यादव,सलिम हलवाई,रामचन्द्र पोख्रेल,पुजा वर्मा,स्वेता गुरुङ्ग रहेको छन । गठन कार्यक्रममा बोल्दै गैरसरकारी संस्था महासंघ बाँके शाखाका अध्यक्ष शाहले नेपालगंज शहरलाई अवका दिनमा सदभावका शहरका रुपमा चिनाउनु पर्ने बताए ।उनले भने,“नेपालगंज लगाएत बाँके विभिन्न धर्म,जात जाति तथा समुदाया भएको शहर तथा जिल्ला हो अतः सदभाव समितिको भुमिका निकै महत्व हुनेछ ,।” यसैगरी कार्यक्रममा बागेश्वरी असल सासन क्लव नेपालगंज(बास)का अध्यक्ष रमेश सिटौलाले गठीत समितिका सम्पुर्ण पदाधिकारीहरुलाई शुभकामना दिएको थिए । यसैगरी बासका महासचिव एवं प्रवक्ता शिवकुमार वर्माले संस्थाको सदभाव समितिलाई सधैव साथ रहने बताए ।
नव गठित सदभाव समितिका ंसंयोजक पौडेल नेपालगंज उपमहानगरपालिका सदभावको शहर भएको हुदाँ यसलाई कामय राख्नका लागि सबैको उत्तिकै जिम्मेवारी भएको बताए । उनले भने,“आगामी दिनमा सदभाव समितिले नेपालगंज उपमहानगरपालिकाको सदभाव कायम गर्नका लागि सदभाव कायम गर्न सकिने खालका कार्यक्रमहरु गर्ने छौ ।यसमा सबैको सहयोग तथा सहभागि निकै महत्वपुर्ण रहने गर्दछ ।”यसैगरी सहसंयोजक साहील अंसारीले सदभावका विभिन्न कार्यक्रमहरु गरीने बताए ।कार्यक्रममा बासका कोषाध्यक्ष छविलाल सुनार ,वासका सहनिर्देशक हेमराज भट्ट,युएनडिपि अत्तरर्गत सामाजिक सदभाव कार्यक्रमका कार्यक्रम संयोजक शम्भु शाही लगाएको उपस्थिति रहेको थियो ।
Discussion about this post