वसिम अन्सारी
बाँके जेठ ८ गते ।
कोरोनाले यतिबेला सबैलाई त्राही त्राही बनाएको छ । संक्रमण दर बढिरहेको छ। मृत्युदर कहालि लाग्दो छ । संक्रमित विरामीहरु मृत्युसँग जुधिरहेका छन् । अस्पतालमा बेडहरु भरिएका छन् । ती बेडहरुमा पुगिरहन्छ पारश श्रेष्ठ ।
भेरी अस्पताल नेपालगन्जका फिजिसियन डा पारश श्रेष्ठ अहिले आफ्नो ज्यानको प्रवाह नगरी विरामीको उपचारमा अहोरात्र खटिएका छन् । न उनलाई भोकको चिन्ता छ न त उनलाई प्यासको । कोरोनासँग जुधिरहेका व्यक्तिहरुका लागि साक्षता भगवान भनेकै अहिले स्वास्थ्यकर्मी र चिकित्सक हुन्।
त्यसैले पनि पारश आफ्नो सेवा र धर्मप्रति प्रतिबद्ध छन् । उनी विहानदेखि रातीसम्मै विरामीको सेवामा अनवरतरुपमा खटिएका छन् । उनी भन्छन् यो संकटका बेलामा विरामीको सेवा हाम्ले नगरे अरु कस्ले गर्छ ? नेपाल चिकित्सक संघ भेरीले चिकित्सकहरुलाई वडावडामा खटाएको छ ।
होमआइसोलेसनमा बसेका संक्रमितको अवस्थासँगै उनीहरुलाई आवश्यक उपचार, परामर्श दिने गर्छन्। प्राय चिकित्सकहरु होमआइसोलेसनमा बसेका संक्रमित कहाँ पुगेका छैनन् । तर श्रेष्ठ प्रत्येक दिन होमआइसोलेसनमा बसेका संक्रमितलाई भेट्न पुग्छन् ।
त्यहाँ पुगेर विरामीको स्वास्थ्य अवस्था बुझ्न । अक्सिजन लेभल कम भएकालाई तत्काल भेरीमा पठाउनछन् । परिवारलाई उच्च मनोवलका लागि टिप्स दिन्छन् । विरामीप्रति उनको चासो र चिन्ता साच्चिकै अरु चिकित्सकहरुको लागि पनि प्रेरणादायी छ ।
उनी स्वयम कोभिड संक्रमणबाट मुक्त भएका डाक्टर हुन् । त्यसैलेपनि कोभिड विरामीको उपचारमा उनको भूमिका फराकिलो बनेको आफै बताउने गर्छन् ।
Discussion about this post