बाँके जेठ १४ गते ।
भेरी अस्पतालका चिकित्सक तथा स्वास्थ्यकर्मीमाथी भएको आक्रमणको राजनीतिक दलहरुले निन्दा गरेका छ्न । सामाजिक सन्जालमार्फत नेपाली काङ्ग्रेसका सभापति शेरबहादुर देउवा, नेकपा माओवादीका अध्यक्ष प्रचण्ड र जसपाका नेता मोहम्मद इस्तियाक राइले स्वास्थ्यकर्मीमाथी भएको घटनाको निन्दा गर्नु भएको हो । उहाँहरुले दोषी माथि कारबाहीको माग गर्नु भएको छ ।
यस्तै भेरी अस्पतालका चिकित्सक तथा स्वास्थ्यकर्मी आन्दोलनमा उत्रिएका छ्न । बिहीबार कोरोना संक्रमित दाङका ५४ वर्षीय व्यक्तिको उपचारका क्रममा निधन भएको थियो । उनको निधनसँगै मृतकका आफन्तले चिकित्सक तथा नर्सहरुमाथि सांघातिक आक्रमण गरेका थिए ।कोभिड कक्षमा तोडफोड गर्दै ज्यान मार्ने शैलीमा आक्रमण गर्न थालेपछि चिकित्सक तथा नर्ससहित ४ जनाले एकतला माथिबाट हामफालेर ज्यान बचाएका थिए ।
दोषीलाई कानुनी कारबाही हुनु पर्ने र आफुहरुको ज्यानको भरपर्दो सुरुक्षा ग्यारेन्टी हुनु पर्ने माग राखेर भेरीका चिकित्सक तथा स्वास्थ्यकर्मी आन्दोलनमा उत्रिएका हुन ।सुरक्षाको प्रत्याभूति नभएसम्म र दोषीलाई कारबाही नभएसम्म नयाँ बिरामी भर्ना लिन नदिने अडान लिएर उनिहरुलेे आन्दोलन गरिरहेका छन् ।यसैबीच चिकित्सकमाथि आक्रमण गरेको आरोपमा प्रहरीले ३ जनालाई पक्राउ गरेको छ ।
घटनामा संलग्न रहेको आरोपमा तुलसीपुर उपमहानगरपालिका वडा नम्बर ११ उरहरी दाङका मानबहादुर रावत, भरत रावत र लोकराज रावतलाई पक्राउ गरिएको जिल्ला प्रहरी कार्यालय बाँकेले जनाएको छ । उनीहरूमध्ये लोकराज मृतकका छोरा हुन् भने बाँकी २ जना मृतकका भाईहरू हुन् ।
Discussion about this post