खोजखबर संवाददाता
मुगु असोज ३ गते । आज असोज ३ अर्थात् संविधान दिवस मुगुमा देउडामय बनेको छ । जिल्लाका स्थानीय तहका जनप्रतिनिधि र राष्ट्रसेवक कर्मचारी बिच मैत्रीपुर्ण देउडा खेल प्रतियोगिता गरिएको थियो । २०७२ साल असोज ३ गते आजकै दिन संविधान जारी भएको अवसरमा विभिन्न कार्यक्रम गरेर आज यो दिवस मुगुमा पनि मनाईएको हो ।
खुसि नेपाली समृद्ध नेपाल सविधान दिवस तथा राष्ट्रिय दिवस हर्षाेल्लासका साध मनाऔ घरघरमा राष्ट्रिय झण्डा फहराऔ ” भन्ने मुल नाराका साथ यो दिवस भव्यताका साथ मनाईएको हो ।
संविधान जारी नगर्न छिमेकी भारतले दिएको दबाब, मधेस केन्द्रित दलको असन्तुष्टि र ठूला दलबिचको मदभेदका कारण संविधान निर्माण भएपछि निकै चुनौती भोग्नु परेको कार्यक्रमका सहभागिताले जनाएका छन् । देश संघीय सरकार ,प्रदेश सरकार र स्थानीय सरकार गरि तिन तहमा विभाजन हुदा पनि पछिल्लो समय कर्णालीका जनताले विकासको मुहार देख्न नपाएको यहाँका स्थानीयले गुनासो गरेका छन् ।
संविधान दिवसका अवसरमा संविधान दिवस मूल समारोह समिति मुगले जिल्लाको एकमात्र नमुना विद्यालय महाकाली माद्यमिक विद्यालयको प्राङ्गणमा विशेष कार्यक्रमको आयोजना गरेको थियो । दिवसका अवसरमा पुर्व शिक्षामन्त्री हस्त वहादुर मल्ल , जिल्ला समन्वय समितिका संयोजक पुर्ण बहादुर रोकाया , छायानाथ रारा नगरपालिकाका नगर प्रमुख हरिजंग शाही , प्रमुख जिल्ला अधिकारी जय कुमार घिमिरे ,स्थानीय तहका अध्यक्ष , उपाध्याक्ष लगायत विशिष्ट व्यक्तिहरुको उपस्थिीती रहेको थियो ।
दिवसको अवसरमा बोल्दै छायानाथ रारा नगरपालिकाका नगर प्रमुख हरिजंग शाहीले पछिल्लो समय कर्णालीका लेक बेसिमा गुञ्जिने ति देउडा खेलहरु मुस्किलले सुन्न पाईरहेको उहाले दुःख पोख्नु भयो । देउडा खेल लाई संरक्षण प्रवद्धन गर्न स्थानीय सरकार लागि परेको जानकारी दिनु भयो । कर्णालीमा गुञ्जिने ति ठाडि भाका , देउडा , मागल , चुट्किला झोडा जस्ता गितहरु सुन्न नपाएको बताउनु भयो ।
त्यस्तै विवाह व्रतबन्ध शुभ कार्यमा गुञ्जिने ति भाकाहरु हराउदै गएको उहाले जिकिर गर्नु भएको छ । विदेशी खाडि मुलुकमा रहनु भएका कर्णालीका जनता दाजु भाई दिदि बहिनीहरुलाई प्रमुख जिल्ला अधिकारी जयकुमार घिमिरेले सविधान तथा राष्ट्यि दिवसको शुभकामना व्यक्त गर्नु भएको छ । दिवसमा वक्तृत्वकला प्रतियोगिता , बजार सरसफाई , देउडा प्रतियोगिता र ४ गते वृक्षारोपण कार्यक्रम तय भएको पनि उहाले अवगत गराउनु भएको थियो ।
Discussion about this post