चौलिका चेक पोष्टमा सशस्त्रको लाइनमा भित्रिन्छ अवैध सामान, नेपाल प्रहरी समाउँछ
बाँके कार्तिक २६ गते ।
भरियालाई प्रयोग गरेर भारतबाट ल्याउँदै गरेको ठूलो परिमाणको भन्सार छलिको सामान बाँके प्रहरीले बरामद गरेको छ ।
विशेष सूचनाको आधारमा सार्वजनिक सवारी साधनमा ल्याउँदै गरेको भन्सार छलिको सामान नेपालगन्जको ट्राफिक चोकबाट जिल्ला प्रहरी कार्यालयबाट प्रहरी सहायक निरीक्षक बिबेक अधिकारीको कमान्डमा खटिएको प्रहरी टोलीले बरामद गरेको बाँकेका डिएसपी मधुसुदन न्यौपानेले जानकारी दिनुभयो ।
उहाँका अनुसार १३ पेटि बिद्युतिय बल्व, ४८ पिस ट्राउजर, ८९ पिस लेडिज सुट, १०० पोका कमला पंसन बरामद गरिएको छ ।
तस्करहरुले भरियाको प्रयोग गरेर नाकामा भन्डारण गर्ने र सार्वजनिक सवारी साधनमा नेपाल ल्याउने गरेको सूचना प्रहरीले पाएको थियो । त्यहीक्रममा प्रहरीले बसमा छापा मारेको हो ।
प्रहरीका अनुसार एक लाख दस हजार मूल्य बराबरको बरामद सामान भन्सार कार्यालयमा बुझाइएको छ । पक्राउ परेको बिद्युतिय सामान बल्ब प्रहरी स्रोतका अनुसार जैसपुर बस्ने भौकीको सामान हो ।
भरियालाई थोरै पैसा दिएर उनले प्रयोग गर्ने गरेका छन् । बाँके प्रहरी सक्रियता देखाए पनि चौलिका चेक पोष्टमा सशस्त्र प्रहरीको मिलोमतोमा र मोटो रकम दिएर यस्ता अवैध सामान भित्र्याउने गरिएको खुलेको छ ।
Discussion about this post