बाँके पुस २६ गते ।
बाँकेको राप्तीपारी दिनहुँ आतंक मच्चाइरहेको हिंस्रक बाघ नियन्त्रणमा लिन चितवन सौराहको प्राविधिक टोली आज बाँके आइपुग्दै छ ।
सौराहा स्थिति राष्ट्रिय प्रकृति संरक्षण कोषको प्राविधिक टोली त्यहाँबाट हिडिसकेको र आज साँझ बाँके आइपुग्ने डिभिजन वन कार्यालय नेपालगन्जका प्रमुख दधिलाल कँडेलले जानकारी दिनुभयो ।
बाघले दुई दिनको फरकमा राप्तीसोनारी गाउँपालिकामा दुई महिलाको ज्यान लिनुका साथै थुप्रै ब्यक्तिलाई आक्रमण प्रयास गरेपनि नियन्त्रणमा लिने कुनै प्रयास भएको छैन् ।
बाघले विगत एक हप्तादेखी राप्तीपारीस्थित बैजापुर, बिनौना र फत्तेपुरको जंगलभित्र मान्छे र पशु चौपायामाथी निरन्तर आक्रमण गर्दै आएपछि स्थानीय त्रसित छन् ।
बाघको निगरानी गर्न बाँके राष्ट्रिय निकुञ्जले विगत तीन दिनदेखी राप्तीपारी क्षेत्रमा दुई वटा हात्तीसहित कर्मचारी तथा सुरक्षाकर्मी परिचालन गरेको छ ।
बाघले आतंक मच्चाइरहेको स्थान राष्ट्रिय तथा सामुदायिक वन क्षेत्र अन्तरगत पर्ने भएकाले डिभिजन वन कार्यालय बाँकेका कर्मचारी पनि परिचालित भएका छन् ।
सौराहको प्राविधिक टोलीले भोलीदेखि बाघ नियन्त्रणको प्रयास सुरु गर्नेछ ।
Discussion about this post