बाँके चैत २६ गते ।
कम्प्युटर एसोसिएसन नेपाल महासंघ, बाँकेले चैत्र २८ गते नेपालगन्जमा “शिक्षा र कृषिमा नविनतम प्रविधीको प्रयोग” सम्बन्धी छलफल तथा अन्तरक्रिया कार्यक्रम आयोजना गर्ने भएको छ ।
क्यान बाँकेले आयोजना गर्न लागेको कार्यक्रमको बारेमा नेपालगन्जमा शनिबार पत्रकार सम्मेलन आयोजना गरि कार्यक्रमको बारेमा प्रष्ट पारेको थियो ।
शिक्षा र कृषिमा कसरी प्रविधिको प्रयोग गर्न सकिन्छ, कस्ता खाले प्रविधिको आवश्यकता रहेको छ भनेर जान्न तथा भएका प्रविधिको बारेमा अनुभव साटासाट गर्दै नयाँ प्रविधिको बिकासको लागि कार्यक्रम आयोजना गर्न लागिएको क्यान बाँकेका कार्यबाहक अध्यक्ष शिशिर नारायण श्रेष्ठले बताए ।
बाँके र बर्दियाका शिक्षा तथा कृषि क्षेत्रका सरोकारवाला निकाय, प्रतिनिधि तथा सफ्टवेयर कम्पनीहरु समेतको सहभागीता रहने कार्यक्रम क्यान बाँकेको नयाँ सोचका साथ आयोजना गर्न लागिएको कार्यक्रम रहेको कार्यवाहक अध्यक्ष श्रेष्ठले बताएका छन् ।
कार्यक्रमले सफ्टवेयर बिकास गर्ने कम्पनी र शिक्षा तथा कृषि क्षेत्रका सरोकारवाला निकायको सहभागीता रहने हुदा यी क्षेत्रमा आवश्यक रहेको प्रविधि उपलब्ध भए नभएको र सोको बारेमा जानकारी संगै आवश्यक प्रविधिको बिकासमा कार्यक्रम फलदायी हुने बिश्वास लिएको श्रेष्ठले बताएका थिए ।
पत्रकार सम्मेलनमा क्यान बाँकेका निवर्तमान अध्यक्ष भोजराज तिमिल्सिना, टुकिका सिइओ उमेश शर्मा र एमडी बिबेक शर्मा तथा निन्जा इन्फोसिसका अध्यक्ष रमेश बिसि लगायतको सहभागीता रहेको थियो । कार्यक्रम चैत २८ गते नेपालगन्जको शिद्धार्थ भ्यु नेपालगन्जमा संचालन हुने छ ।
Discussion about this post