बाँके बैशाख ७ गते ।
सत्ता गठबन्धन दल वीच तालमेल अझैँ मिल्न नसकेका कारण नेपाली काँग्रेस, नेकपा माओवादी केन्द्र र एकीकृत समाजवादीका मेयरका आकांक्षीहरु ऋलमलमा छन् ।
तर, सत्ता गठबन्धन घटककै जनता समाजबादी (जसपा) का बाँके अध्यक्ष तथा नेपालगन्ज उपमहानगरपालिकाको मेयरका उम्मेदवार मोहम्मद कमरुद्दिन राई मतदाताको घरदैलोमा छन् ।
चुनावी अभियान थालेका उनको दैनिकी नेपालगन्जका मतदातासँग भेट्ने बनेको छ । उनी ब्रत बसेका इस्लाम धर्मावलम्बीको घरमा पुग्छन् । रमजानको ब्रत खुल्ने समयमा मतदाताको घरमा गएर सँगै ‘इफ्तार’ मा सहभागी हुन्छन् । ‘म चुनाव घोषणा हुनुभन्दा पहिलेदेखि मतदातासँगै छु, तर पहिले अलि कम थिए, अहिले नियमित भेट्घाटमा छु,’ उनले भने ।
अन्य दलका उम्मेदवार मतदाताको घरदैलोमा नदेखेको उनले बताए । उम्मेदवारी दिएपछि सशक्त रुपमा चुनावी अभियान थाल्ने योजना बनाएका उनले नेपालगन्जका अधिकांश मतदातालाई भेटिसकेका छन् । ‘म नपुगेको ठाउँ र नभेटेको ब्यक्ति सायदै होलान्,’ उनले भने, ‘म नेपालगन्जका अधिकांश मतदाताको नियमित सम्पर्कमा छु ।’
चुनावी अभियानमा उनलाई सवै धर्म र सम्प्रदायले साथ दिएका छन् । म जात विरोधी हुँ, त्यसैले त मलाई सवै धर्म सम्प्रदायले मन पराउनु हुन्छ, म पनि सवैलाई सम्मान गर्छु । सवैको धर्म र संस्कारको सम्मान गर्ने मेरो बानी छ,’ राइले भने ।
उनले जात, धर्म र सम्प्रदायलाई हेरेर नभई जनताको सेवकलाई भोट दिन आग्रह गरेका छन् । निर्वाचनमा सवैले मिठा र चिल्ला कुरा गर्ने बताउँदै उनले बास्तविक जनताको सेवक छुट्याएर मतदान गर्न सुझाव दिए ।
Discussion about this post