सरला सुबेदी
बाँके असार १९ गते ।
नेपाल पत्रकार महासंघ लुम्बिनी प्रदेशको आयोजना तथा लुम्बिनी प्रदेश सरकारको आन्तरिक मामिला तथा संचार मन्त्रालयको सहयोगमा मिडिया साक्षरता अन्तरक्रिया कार्यक्रम बाँकेको कोहलपुरमा आज सम्पन्न भएको छ।
पछिल्लो समय मिडिया अनि मिडियाकर्मी प्रती सरोकारवाला निकाय र सर्वसाधारण व्यक्तिको दृष्टिकोण प्रती बितृष्णा जागेको हुनाले मिडिया प्रती सकारात्मक भावना पैदा गराउनको लागि यो कार्यक्रमको आयोजना गरिएको हो।
कार्यक्रमका प्रमुख बक्ता नेपाल पत्रकार महासंघका पूर्व अध्यक्ष गोविन्द आचार्यले कार्यक्रममा प्रशिक्षण दिदैं मिडिया साक्षरता, संचार नीति, लगायतका विभिन्न विषयमा जानकारी गराएका थिए । उनले प्रेस स्वतन्त्रता र अभिव्यक्ति स्वतन्त्रताको ग्यारेन्टी हुनु पर्ने उल्लेख गरे ।
उनले हरेक नागरिकले सूचना प्रवाह गर्ने काम गर्न सक्छन् तर यसलाई नागरिक पत्रकारिता नभन्न नसकिने बताए ।
उनले पत्रकारिता हुनका लागि तोकिएका मापदण्ड पालना गर्नुपर्ने बताए । उनले पत्रकारिता निश्चित नीति, नियम, आचारसंहिता र सिद्धान्त, पत्रकारिताको धर्म र परम्पराका आधारमा चल्ने हुँदा समाचारका आधारभूत तत्वहरुको खोजी गर्न जरुरी रहेको उल्लेख गरे ।
यस्तै कार्यक्रमको प्रमुख अतिथी समेत रहनु भएका कोहलपुर नगरपालिकाका नगर प्रमुख पूर्ण प्रसाद आचार्यले सञ्चार माध्यमलाई मर्यादित तथा व्यवस्थित बनाउन सबैले ध्यान दिनुपर्ने बताएका छन् ।
नगर प्रमुख आचार्यले मिडिया साक्षरताको लागि पर्याप्त स्रोत÷साधन उपलब्ध गराई आफूले लेखेको लेख र आफ्नो मिडियाबाट छापिएका सबै कुराको जिम्मेवारी लिन स्वयम् मिडियाकर्मिले नै लिन सक्नुपर्ने बताएका हुन् । नगर प्रमुख आचार्यले पत्रकार आफैँ स्वतन्त्र हुनसके मात्र उनिहरुले लेखेका लेख समाचार स्वतन्त्र हुन सक्ने भन्दै दबाब र प्रभावमा मिथ्या समाचार नभई सत्य, तथ्य, सन्तुलित समाचार प्रकाशन र प्रसारण गर्न सुझाव दिएका छन् ।
यस्तै कार्यक्रममा कोहलपुर नगरपालिकाकि उपप्रमुख संगीता सुवेदीले मिडियाको आधिकारिकता र बिश्वसनीयता केलाउन नसक्दा नागरिक सही सूचनाबाट टाढिएका बताएकी छन् । पत्रकारिता क्षेत्रमा महिलाको पोत्साहनका लागि महिला उत्तरदायी सञ्चार नीति नगरपालिकाले प्राथमिकतामा पारेको सुवेदीले बताईन् ।
उनले पछिल्लो समय पत्रकार महिला बैबाहिक अवस्था पछि पत्रकारिताबाट पलायन भैरहेको हुँदा महिला पत्रकारलाई पत्रकारितामा लागिरहन प्रोत्साहन गर्दै पत्रकार महिलाको लागि कोहलपुर नगरपालिकाले विशेष कार्यक्रम ल्याउने बताईन ।
यस्तै ईलाका प्रहरी कार्यालयका प्रहरी प्रमुख, प्रहरी नायब उपरीक्षक (डिएसपी) ऐन बहादुर मल्लले कोहलपुरमा प्रहरी शान्ति, सुरक्षा, अमनचयन कायम गर्न अहोरात्र खट्दै जनताको जनधनको क्षति हुनबाट जोगाउन सक्रिय रहको उल्लेख गर्दै उनले नेपाल प्रहरीले र पत्रकारसँग साझेदारी तथा समन्वयकारी तवरले काम गर्दै आएको बताएका छन् ।
डिएसपी मल्लले प्रहरी र पत्रकारबीच विभिन्न क्रियाकलापमार्फत आपसी समझदारी कायम गर्दै साझेदारीको अवधारणा अभिवृद्धि गर्दै लैजाने बताए ।
कार्यक्रमको अध्यक्षता गरेका लुम्बिनी प्रदेशका कार्य बहाक अध्यक्ष शुक्रऋषि चौलागाईले पत्रकारिता क्षेत्रमा टिकिरहने वातावरण आफैले निर्धारण गर्नु पर्ने सुझाव दिए । उनले आम संचार नीति अवलम्बन गर्दै समाचार संकलन गर्नु पर्ने बताए ।
उनले नागरिकमा मिडिया साक्षरता कम छ, पत्रकारितामा नयाँ पुस्ताको आगमन बढिरहेको छ । अनलाइनमा झन् बढी छ । यो पुस्ताका लागि आचारसंहिता लगायतका विषयमा साक्षरता कार्यक्रम बढाउनु पर्ने बताए ।
कार्यक्रममा नेपाल प्रेस युनियनका बाँकेका अध्यक्ष अर्जुन ओली, प्रेस चौतारी नेपालका केन्द्रिय सदस्य हेमन्त बि.क., प्रेस सेन्टरका डक्ट प्रसाल धिताल, पत्रकार महासंघ बाँकेका पूर्व अध्यक्ष निरज गौतम लगायतले मन्तव्य राखेका थिए ।
भने कार्यक्रमको संचालक पत्रकार महासंघ लुम्बिनी प्रदेश सचिव जयसिङ केसिले गरेका थिए भने कार्यक्रमको उदेश्य माथी प्रकाश पार्दै स्वागत मन्तव्य कोषाध्यक्ष यमनाथ घिमिरे राखेका थिए।कार्यक्रममा बाँके र बर्दियाका सक्रिय चार दर्जन बढी मिडियाकर्मी पत्रकारहरुको सक्रिय सहभागीता रहेको थियो।
Discussion about this post