बाँके असार ३१ गते ।
कोहलपुरदेखि जमुनाह नाकासम्म चल्ने यात्रुवाहक लोकल बस, म्याजिक आन्दोलनमा उत्रिएका छन् । उनीहरुले माइक्रोबस र म्याजिक ल्याएर नेपालगन्ज उपमहानगरपालिका कार्यालय अगाडि शुक्रबार विहान साढे दुई घण्टासम्म सडकमा तेस्र्याए ।
नेपालगन्जमा आधुनिक बसपार्क बनेपछि सबै बसहरु त्यहीबाट छुट्ने र एकपटक सबै त्यहाँ पुग्नै पर्ने नियम बनाइएको थियो । नेपालगन्ज–कोहलपुर चल्ने लोकल सवारी साधनलाई पनि एकपटक बसपार्कमा पुग्नु पर्ने र ५० रुपैया दिनु पर्ने नियम बनाइएको थियो ।
यही नियमको विरुद्धमा लोकल बस सञ्चालकले आन्दोलित भएका हुन् । नेपालगन्ज–कोहलपुर चल्ने माइक्रो बस र म्याजिक बसपार्क जान अपायक पर्ने र दैनिक ५० रुपैया तिर्नुपर्ने नियम उचित नभएको सञ्चालकहरुको भनाइ छ ।
बसपार्क नजाने र ५० रुपैया नतिर्ने भन्दै बस सञ्चालकले आन्दोलित भएका हुन् ।
ADVERTISEMENT
Discussion about this post