बझाङ कात्तिक २७ गते ।
सुदूरपश्चिममा केही समययता भूकम्पले त्रासपूर्ण अवस्था सिर्जना गरेको छ। पटकपटकको भूकम्प र त्यसका पराकम्पनले पारेको भौतिक तथा मानवीय क्षतिले त्यहाँका स्थानीयलाई आफ्नो घरमा बस्न समेत त्रास सिर्जना गरेको हो।
प्रदेशअन्तर्गत भूकम्पको अति प्रभावित क्षेत्र बझाङ पनि हो। पटक(पटकको भूकम्पले क्षति पु¥याएको त्यहाँ हिजो मात्रै पनि भूकम्प गएको छ।
जसका कारण त्यहाँका स्थानीय यो चिसो मौसममा पनि रातभर घर बाहिर बस्न बाध्य छन्। जिल्लाको खप्तडछान्ना गाउँपालिका( ६ पाटादेवलमा केन्द्र भएर शनिबार साँझ पुनः भूकम्प गएपछि नेपाल प्रहरीले स्थानीयवासीलाई घर बाहिर बस्न ‘माइकिङ’ गरेको छ।
पाटादेवल प्रहरी चौकीका सहायक प्रहरी निरीक्षक रामबहादुर बमका अनुसार गत मङ्गलबार मध्यराति आएको भूकम्पले स्थानीयका घर चर्किएपछि स्थानीयलाई बाहिर बस्न माइकिङ गरेको हो। ‘मङ्गलबार राति आएको भूकम्पले चर्किएका घर शनिबारको भूकम्पले थप चर्किएपछि भित्र बस्न जोखिम भन्दै माइकिङ गरिरहेका छौँ’, उनले भने।
उनका अनुसार पाटादेवल, राजकोट, तिउने, पुजारीगाउँमा घरबाहिर आगो ताप्दै बसेका छन्। खप्तडछान्ना( ५ मा पनि स्थानीय आगो ताप्दै बाहिर बसेका छन्।
मङ्गलबारको भूकम्पमा चर्किएका घर थप चर्किएपछि स्थानीयवासी चिन्तित भएको स्थानीय कुलप्रसाद जोशीले बताए। जिल्ला सदरमुकाम चैनपुरवासी सुदूरपश्चिमाञ्चल बोर्डिङ स्कूलको चौरमा रात बिताएका छन्।घटनाबारे जानकारी आइसकेको छैन।
Discussion about this post