हेटौंडा साउन २३ गते ।
मकवानपुरमा पहिरोले घर बगाउँदा एकै परिवारका ५ जनासहित ६ जना बेपत्ता भएका छन्।
बागमती गाउँपालिका–५ भोर्लेनीका अक्कलबहादुर स्याङ्तानको घर पहिरोले बगाउँदा ६ जना बेपत्ता भएका हुन्। अक्कलबहादुरकी श्रीमती शन्तमाया ब्लोन मृत अवस्थामा भेटिएकी छन्।
गएराति घर नजिकको खोल्सामा पानीको बहाव बढेर पहिरो गएको हो। पहिरो गएसँगै घरसहित ६ जना बागमती नदीमा बगेका थिए।बेपत्ताहरूको खोजी भइरहेको जिल्ला प्रहरी कार्यालय, मकवानपुरले जनाएको छ। घरमा अक्कलबहादुर, उनका श्रीमती, छोरी–ज्वाइँ, दुई बच्चा र एकजना पाहुना थिए।
ADVERTISEMENT
Discussion about this post