बाँके कात्तिक १५ गते ।
म्याद गुज्रेका सामान विक्रि गरेको फेला परेपछि जिल्ला बजार अनुगमन समितिले व्यापारीबाट ३० हजार रुपैँया जरिवाना असुल गर्ने निर्णय गरेको छ ।
नेपालगन्जका ३० वटा पसलको अनुगमन गर्दा नियम विपरित संचालन भएको र म्याद गुज्रेका सामान विक्रि गरेको फेला परेपछि जरिवाना गरिएको बाँकेका प्रमुख जिल्ला अधिकारी श्रवणकुमार पोखरेलले जानकारी दिए ।
सहायक प्रमुख जिल्ला अधिकारी लालबहादुर गुरुङको नेतृत्वमा भएको बजार अनुगमनका क्रममा नियम विपरित सामान विक्रि गर्ने एउटा पसललाई २० हजार र अर्कोलाई १० हजार रुपैयाँ जरिवाना गर्ने निर्णय भएको उनले बताए ।
म्याद गुज्रिएको चार हजार सात सय ४० रुपैयाँ बराबरको वियर र ३८ हजार एक सय ९४ रुपैयाँ मुल्य पर्ने अवैध सुर्तीजन्य बस्तु जफत गरि नष्ट गरिएको पोखरेलले जानकारी दिए ।
उनले बजार अनुगमनलाई निरन्तरता दिने बताउँदै कालोबजारी गर्ने ब्यापारीलाई कानुनको दायरामा ल्याउने दावी गरे । ‘चाडपर्वका बेला महंगोमा सामान बेच्ने र सामान लुकाएको फेला परे कानुन बमोजिम कारवाही गरिने छ,’ उनले भने ।
Discussion about this post