बाँके पुस २ गते ।
आन्तरिक पर्यटन प्रवद्र्धनका लागि थालिएको ‘जाउँ है पोखरा अभियान’को टोली नेपालगन्ज आएका छन् । पोखरामा पर्यटन भित्र्याउन थालिएको यो अभियानका टोली भैरहवा हुँदै नेपालगनज आएका हुन् । अभियानमा २० जनाको टोली हिँडेको छ । नेपालगन्जबाट धनगढी हुँदै महेन्द्रनगर जाने कार्यक्रम रहेको छ । गत कात्तिक महिनामा अभियान पूर्वी जिल्लामा गरिएको थियो ।
आन्तरिक पर्यटन नै दिगो पर्यटनको आधार हो भन्ने मान्यता अनुरुप होटल संघ पोखरा नेपालले दुई दशकदेखि यो अभियान थालेको हो । अभियानका टोलीले नेपालगन्जका होटल र पर्यटन व्यवसायीसँग सम्बद्धसँग पर्यटन विकासका लागि छलफल गरेका छन्।
होटल एशोसियसन पोखराका अध्यक्ष लक्ष्मण सुवेदीले पोखरामा आउनेमा ३५ देखि ४० प्रतिशत पर्यटक आन्तरिक रहेको जानकारी दिदै नेपालगन्ज र पोखरामा आउने पर्यटकलाई कसरी जोड्न सकिन्छ भन्ने छलफल गर्न जरुरी रहेको बताए। उनले आर्थिक मन्दीका कारण २५ प्रतिशत पर्यटन व्यवसायी पलायन भएको स्मरण गर्दै पोखरामा आएका पर्यटकलाई नेपालगन्ज र नेपालगन्जमा आएका पर्यटकलाई पोखरामा घुमाउने वातावरण बनाउनु पर्ने बताए।
नेपालगन्ज उपमहानगरपालिकाका उपमेयर कमरुद्दिन राईले भारतीय पर्यटकलाई नेपाल भित्र्याउन सकेमा नेपालगन्ज, पोखरामात्रै होइन, देशकै पर्यटन व्यवसाय फस्टाउने बताए । त्यसका लागि सरकारले सहज वातावरण बनाउन जरुरी रहेको औल्याए। होटल संघ पोखरा, नेपालगन्ज उद्योग बाणिज्य संघ, होटल व्यवसायी संघ नेपालगन्ज, नाट्टालगायतका प्रतिनिधिले नेपालगन्ज र पोखरालाई पर्यटनमा जोड्न सकेमा दुवैतर्फ फाइदा हुनेमा जोड दिए ।
Discussion about this post