बाँके पुस २० गते ।
नेपालगन्जको धम्बोझीमा राष्ट्रव्यापी खुल्ला ब्यायाम प्रतियोगिता हुने भएको छ । नेपाली युथ फिटनेस एण्ड केलिसथेनिक्स, नेपालगञ्जले धम्बोझीको एन्फा मैदानमा उक्त प्रतियोगिता गराउने भएको हो ।
नेपाली युथ फिटनेस एण्ड केलिसथेनिक्स, नेपालगन्जका संस्थापक तिलक शाही, प्रकाश कठायत, रोदन गुरुङका अनुसार, प्रतियोगितामा विराटनगर, बुटवल, दाङ, चितवन, सुर्खेतलगायत ठाउँबाट ७० जना बढी सहभागी हुँदैछन् ।
भोलि शनिबार एक दिनका लागि राखिएको प्रतियोगिताको पुरुष सर्किट खुला, महिला सर्किट खुल्ला र पुरुष बार खुलाअन्तर्गत प्रत्येक बिदामा प्रथम, द्वितिय र तृतीय स्थान हासिल गर्नेलाई क्रमशः २० हजार, १५ हजार र १० हजार नगद, मेडल, ट्रफी र आकर्षक पुरस्कारको व्यवस्था गरिएको छ । युवालाई कुलतमा लाग्न नदिन र स्वस्थ राख्न धम्बोझीमा केही वर्षदेखि खुल्ला ब्यायाम सञ्चालनमा रहेको छ ।
Discussion about this post