बाँके माघ २८ गते ।
नेपालगन्जको ट्राफिक व्यवस्थापनमा सम्वद्ध सरोकारवाला निकायले चासो देखाएका छन् । नेपालगन्ज सहरलाई सुन्दर र व्यवस्थित बनाउन ट्राफिक व्यवस्थापन अत्यन्तै आवश्यक रहेको महसुस भइरहेका सम्वद्ध सरोकारवाला निकायले त्यसको प्रयास सुरु गरेका छन् ।
ट्राफिक व्यवस्थापनलाई चुस्त दुरुस्त राख्ने अभियान अन्तर्गत पहिलो चरणमा धम्बोझी चोकस्थित बागेश्वरी मन्दिर जाने प्रवेशद्वार (घरबारी टोल) देखि त्रिवेणी मोडसम्म ‘एकतर्फी पार्किङ’ कायम गरिएको छ । आइतबार, सोमबार र मंगलबार दायाँ तथा बुधबार, विहीबार र शुक्रवार बायाँतर्फ मात्र पार्किङ गर्न दिइने जिल्ला ट्राफिक कार्यालय बाँकेका प्रमुख गोपिकृष्ण सुवेदीले जानकारी दिए ।
उनका अनुसार एकतर्फी पार्किङलाई कडाईका साथ कार्यान्वयन गरिने छ । उक्त क्षेत्रमा ट्राफिक प्रहरीको भूमिकालाई समेत अव प्रभावकारी गराइने उनले बताए । नेपालगन्ज उपमहानगरपालिकाका नगर प्रमुख प्रशान्त विष्टले व्यवस्थित सहर निर्माणका लागि स्थानीयबासीको समेत सहयोग जरुरी रहेको बताए ।
उनले सबै कुरा एकैपटक परिवर्तन नहुने भएकाले क्रमश यसलाई व्यवस्थित गराउँदै लगिने प्रतिबद्धता जनाएका छन् । उक्त कार्यक्रममा बाँकेका प्रमुख जिल्ला अधिकारी श्रवण कुमार पोख्रेल, बाँकेका प्रहरी प्रमुख सुभाष चन्द्र बोहोरा, नेपालगन्ज उद्योग बाणिज्य संघका अध्यक्ष टंक धामी, नेपाल पत्रकार महासंघका उपाध्यक्ष करुणा शाह लगायतको उपस्थिति रहेको थियो ।
Discussion about this post