बाँके माघ २९ गते ।
पूर्व मन्त्री तथा जनता समाजवादी पार्टीका नेता मोहम्मद इस्तियाक राईको बखान अहिले पनि हुन्छ । बाँके क्षेत्र नं. २ को विकासमा पुर्याएको योगदानका कारण चोक र चिया पसलमा उनको बखान हुने गरेको हो ।
उनी पटक पटक मन्त्री भए र बाँकेको समग्र विकासका लागि भूमिका खेले । त्यसैले त उनलाई भोट नदिनेहरु अहिले पछुताई रहेका छन् । भन्छन्, ‘इस्तियाक राईलाई भोट नदिएर ठूलो गल्ती भयो । उनी जितेको भए मन्त्री हुने थिए र विकासका योजना ल्याउने थिए ।’
भौतिक पूर्वाधार तथा यातायात मन्त्री भएको बेला उनले रत्न राजमार्ग अन्तरगत जमुनाहदेखि कोठारपुरसम्मको सडक अस्फाल्ट कालोपत्रे गर्ने योजना ल्याए र निर्माणको काम तत्काल अघि बढाए । उक्त रोडसँगै उनले सडक वत्ति बाल्ने योजनासमेत कार्यान्वयनमा ल्याए ।
सवारी साधनको अत्यधिक चापका कारण यात्रुलाई सडक पार गर्न गाह्रो भएको मध्यनजर गरि पूर्व मन्त्री राईले नेपालगन्ज र कोहलपुरको पाँच ठाउँमा आकासे पुल (फ्लाईओभर व्रिज) को लागि वजेटको ब्यवस्था मिलाए । र, शिलान्यास समेत गरे ।
नेपालगन्ज–गुलरिया सडक अन्तरगत नेपालगन्ज–खजुरा चार लेनका लागि पनि उनले नै योजना ल्याएका हुन् । उक्त सडक अहिले निर्माणको काम भइरहेको छ । उक्त सडकमा साइकल लेन समेत रहने पूर्वमन्त्री राईले बताए ।
नेपालगन्जको पुष्पलाल चोकदेखि राप्ती नदिको सिधनियाघाटसम्मको हुलाकी सडकलाई आठ मिटर बनाउने योजना ल्याएका पूर्व मन्त्री राईले उक्त सडकमा सडक वत्तिको लागि वजेटको ब्यवस्था समेत मिलाए ।
सवारी साधनको बढ्दो संख्यालाई मध्यनजर गरि उनले राप्ती नदि स्थित सिधनिया घाटमा चौडाई भएको पुल निर्माणका लागि वजेट विनियोजन गरि रातो कितावमा राखे । उक्त पुल नेपालको सवैभन्दा लामो पुल हुने भएको छ । त्यसैगरि उनी मन्त्री भएको बेलामा कम्दी मिलन चोकस्थित डुडुवा खोलामा पक्की पुल निर्माणका लागि योजना ल्याए । हाल उक्त पुल निर्माणको अन्तिम चरणमा पुगेको छ ।
नन्दनी मिलदेखि बर्दियाको सदरमुकाम गुलरियासम्मको सडक आठ मिटर चौडाई सहित अस्फाल्ट प्रविधिबाट कालो पत्रे सडक निर्माण गराएका पूर्वमन्त्री राईकै पालामा अमरहवा–हल्कारापुर्वा–मोहनदास बाबाकुटी–रमपुर्वा–नौरीगौडी–टेपरी सडक निर्माण गरे । उनकै पालामा डुडुवा खोलामा पक्की पुल निर्माण भएको हो ।
नेपाल रेड्क्रस सोसाइटी रक्त संचार केन्द्रको लागि भेरी अस्पताल परिसरमा अत्याधुनिक भवन निर्माणका लागि वजेट विनियोजन पनि उनी मन्त्री भएकै बेला भएको थियो । उक्त भवन अहिले दोस्रो तला ढलान हुने क्रममा छ ।
राईले बाँके क्षेत्र नं. २ को विकासमा महत्वपूर्ण भूमिका निभाए पनि निर्वाचनका बेला उनलाई चिन्न नसकेको नेपालगन्ज उपमहानगरपालिका १८ का पप्पु यादवले बताए ।
उनले विकास गर्ने र पहुँच भएको उम्मेदवारलाई चिन्न नसक्दा त्यसको परिणाम बाँके क्षेत्र नं. २ का मतदाताले भोगिरहेको उनी बताउँछन् । ‘हामीले विकासका योजना ल्याउन सक्ने नेतालाई चिन्न सकेनौँ । त्यसको परिणाम अहिले भोग्दै छौँ । अहिलेका सांसदले ल्याएको विकासका योजना त के उहाँको नाम समेत सुनिदैन,’ उनले भने । 
Discussion about this post