पाल्पा फागुन २ गते ।
पाल्पा जिप दुर्घटनामा ज्यान गुमाउनेको संख्या १० पुगेको छ । लुम्बिनी मेडिकल कलेजमा उपचारको क्रममा दुई जनाको निधन भएसँगै मृतकको संख्या १० पुगेको हो ।
मंगलबार अपराह्न डुम्रेबाट शिखरडाँडा जाँदै गरेको लु१ज २३७१ नम्बरको जिप दुर्घटना हुँदा घटनास्थलमै आठ जनाको मृत्यु भएको थियो । अहिलेसम्म घटनास्थलमा ज्यान गुमाएकामध्ये ६ जना र अस्पतालमा ज्यान गुमाएका दुई गरी आठ जनाको पहिचान भएको हो । उपचारका क्रममा २० वर्षीया गीता सुनार र ६६ वर्षीया विष्णुकला कामीको निधन भएको हो ।
प्रहरीका अनुसार दुर्घटनास्थलमा ६० वर्षीया यमकुमारी पन्त, ३९ वर्षीय रामबहादुर अस्लामी, ६७ वर्षीय कृष्णबहादुर अस्लामी, २८ वर्षीया उर्मिला अस्लामी, चन्द्र रणपाल र उनकी श्रीमती चुना रणपालको पहिचान खुलेको हो ।
ADVERTISEMENT
Discussion about this post