बाँके फगुन ५ गते ।
कोहलपुर नगरपालिकाका प्रमुख पूर्ण प्रसाद आचार्यले उत्कृष्ट नतिजाका साथै घर , समाज र देशका लागी असल नागरिक उत्पादन गरिनुपर्नेमा जोड दिनुभएको छ । कोहलपुर १० रामनगरमा रहेको जीवन ज्योति स्कुलको शनिवार आयोजित अभिभावक दिवसका अवसरमा प्रमुख आचार्यले यस्तो बताउनुभएको हो।
जीवन ज्योति स्कुलले आर्थिक हैसियत भएकाहरू सँग पैसा लिने र नहुनेहरू लाई नि:शुल्क र छुटमा उत्कृष्ट शिक्षा दिएको भन्दै उच्च प्रशंसा समेत गर्नु भएको छ। उहाँले मार्कसिटमा भएको उत्कृष्ट नतिजा लाई मात्रै उत्कृष्टता मान्न नसकिने भन्दै घर परिवार , समाज र देश प्रति जिम्मेवार र जवाफदेही नागरिक उत्पादन गरिनुपर्नेमा जोड दिनिभयो । उहाँले यस वर्षको कक्षा ८ को परीक्षाको नतिजाको आधारमा जीवन ज्योति उत्कृष्ट विद्यालय भएको बताउँदै विद्यालयले अतिरिक्त कृयाकलाप र समाजिक सेवा भावको समेत विकास गर्दै लैजानु पर्नेमा जोड दिनुभयो ।
उहाँले कोहलपुरका सामुदायिक विद्यालय र संस्थागत विद्यालय बिच शिक्षण विधि, ज्ञान र सीप बारे सहकार्य गदै शिक्षाको समान विकास गर्दै लगिने बताउँदै त्यसको लागी जीवन ज्योतिले अगुवाइ गर्नुपर्नेमा जोड दिनुभयो । सही नेतृत्वले मात्रै विद्यालय लाई उत्कृष्ट बनाउन सक्ने उहाँको भनाई थियो । उहाँले विद्यालय भर्नामा प्रवेश परीक्षा लिने विधि यसै वर्ष देखी नियम बनाएर रोक लगाउने धारणा समेत राख्नु भएको छ।
यस्तै कार्यक्रममा बोल्दै इलाका प्रहरी कार्यालय कोहलपुरका प्रमुख सुन्दर तिवारीले विद्यालय प्रशासन , शिक्षक र अभिभावक सबैको सामूहिक प्रयास बाटै गुणस्तरीय शिक्षा हासिल हुनेमा जोड दिनुभयो । उहाले बाल बालिकाका अगाडि गर्न नहुने काम नगर्न आग्रह गर्दै मानिसले आफूले जानेको सही कुरा लाई जीवन व्यवहारमा लागू गर्नुपर्नेमा जोड दिनुभयो।
कार्यक्रममा कक्षा २ देखी ४ सम्मका विद्यार्थी बिभिन्न नृत्य गीत र नाटक प्रस्तुत गरेका थिए । कार्यक्रममा प्रिन्सिपल फादर जोमन जेम्सले विद्यालय र शिक्षक जस्तै अभिभावक पनि बाल बालिको शिक्षा प्रति जिम्मेवार र सचेत हुनुपर्ने बताउनुभयो। उहाँले गुणस्तरीय साथै असल नागरिक उत्पादनमा आफूहरूको जोड रहेको बताउनुभयो । नर्सरी देखी कक्षा १० सम्म सञ्चालनमा रहेको जीवन ज्योतिले कक्षा अनुसार फरक फरक मितिमा अभिभावक दिवस मनाउँदै आएको छ ।
Discussion about this post