मृगौला रोगका विरामी दिन प्रतिदिन बढ्दै गएका छन् । अब्यवस्थित खानपान, रहनसहन र उठबसले मृगौलामा समस्या हुने गरेको छ । विशेषगरी उच्च रक्तचाप र सुगर भएका विरामीलाई मृगौला समस्या देखिन्छ । मृगौला रोगबाट बच्न के गर्नु पर्छ ? मृगौला रोग विशेषज्ञ डा. पारस श्रेष्ठके भन्नुहुन्छ ? हेरौँ भिडियो कुरा मृगौलामा समस्या भएर उपचार खोज्नेहरुको अवस्था दयनिय भएको हामीले देख्दै आएका छौँ । जब मृगौलाले काम गर्न असमर्थ हुन्छ । तव शरीरका सम्पूर्ण कार्यप्रणालीमा असर पुग्छ । जसका कारण विरामीको मृत्युसम्म हुने गर्छ ।
मृगौलाको काम शरीरमा रगतलाई शुद्धिकरण गर्नु हो । जब मृगौलाको कार्यक्षमतामा ह्रास आउँछ, शरीर विषाक्त बन्छ । एकपछि अर्को अंगमाथि भार थपिन्छ । अन्ततः समग्र शरीर नै कमजोर र रोगी हुन्छ ।
मृगौला रोग लागेपछि उपचार झन्झटिलो हुन्छ । खर्चिलो पनि उत्तिकै हुन्छ । हाम्रो खराब आनीबानीले मृगौलामा रोग लाग्छ । हाम्रो खानपान, दिनचर्या नै मृगौला रोगको कारण हो ।
मृगौलाको रोग लागेर उपचार खोज्नुभन्दा, मृगौला स्वास्थ्य राख्नु राम्रो हो । यसका निम्ति हाम्रो आनीबानी परिवर्तन गर्नुपर्छ । नुनमा सोडियमको मात्रा अधिक हुन्छ । अधिक मात्रामा सोडियमको सेवनले शरिरमा उच्च रक्तचापको समस्या निम्तने गर्छ । मृगौला सम्बन्धि कति समस्या उच्च रक्तचापका कारण हुन्छ भने सुगर (मधुमेह) का कारण पनि मृगौला सम्बन्धि समस्या हुने गर्छ ।
त्यतिमात्र नभई, ज्यादा नुनको सेवनकै कारण मृगौलामा पथ्थरीको समस्या समेत हुने सम्भावना बढ्छ । र, मृगौलामा पथ्थरी भएमा समयमै यसको उपचार नगरे यसले मृगौलालाई बिगार्न सक्छ ।
मृगौलालाई स्वस्थ राख्न पर्याप्त मात्रामा पानीको सेवन निकै जरुरी छ । दिनमा तीनदेखि चार लिटर पानीको सेवन गर्नाले मृगौलाले शरीरमा भएको विषाक्ततालाई पिसाबबाट बाहिर निकाल्ने गर्छ । तर आवश्यक्ता भन्दा बढी मात्राले समेत मृगौलामा असर पर्न सक्ने हुदाँ यसबारे भने ध्यान दिन आवश्यक छ ।
मधुमेह, उच्च रक्तचाप तथा मुटु सम्बन्धि समस्या भएमा तुरुन्तै चिकित्सकसितको परामर्शमा औषधी सेवन गरी उक्त रोगलाई नियन्त्रणमा राख्नु पर्छ । किनकी यस प्रकारका कुनै पनि रोगले सबैभन्दा पहिला मृगौलालाई असर पार्ने हुँदा मृगौलालाई स्वस्थ राख्नका लागि पनि शरीरमा भएका विभिन्न रोगहरुलाई नियन्त्रणमा राख्न जरुरी छ ।
मृगौलालाई स्वस्थ राख्ने सबैभन्दा राम्रो उपाय भनेको बेलाबेलामा पिसाब फेर्नु हो । पिसाबलाई धेरै बेर रोकिराख्नाले यसले मृगौलामा नकारात्मक प्रभाव पार्न सक्छ । त्यस्तै, कम पिसाब हुनु, दुई लिटुर भन्दा कम पिसाब हुनुले पनि मिर्गौलामा नकारात्मक असर पार्ने हुदाँ मृगौलालाई स्वस्थ राख्न तथा मृगौलामा कुनै समस्या छ कि छैन भनेर हेर्न पनि बेला बेलामा पिसाब फेर्न जरुरी छ ।
पछिल्लो समय गलत खानपान, अत्याधिक मात्रामा जंकफुडको सेवन तथा शरीरमा पानीको कमीका कारण पनि कम उमेरमै मानिसहरुलाई मृगौला सम्बन्धि समस्याले सताउने गरेको छ । त्यसैले मृगौलालाई स्वस्थ राख्नका लागि भिटामिन, मिनरल्स तथा प्रोटिन लगायतका पोषणतत्वयुक्त आहार सेवन गर्न जरुरी छ ।
पोषणयुक्त तथा सन्तुलित आहारको सेवनले मृगौलालाई सही पोषण पुग्छ र यसकोे कार्यक्षमता बढ्छ । जबकी बजारमा पाइने अस्वस्थकर, अखाद्य तथा रसायन मिसाइएको खानेकुराले मृगौलामा नकारात्मक असर पारी त्यसको कार्यक्षमतामा ह्रास ल्याउने गर्छ ।
मृगौलालाई स्वस्थ राख्न पर्याप्त मात्रामा पानीको सेवन जति जरुरी छ, झोलिलो पदार्थको सेवन पनि त्यति नै जरुरी छ । विशेषगरी, फलफुलको रस, दालको झोल लगायतका पेय पदार्थबाट शरीरले पर्याप्त मात्रामा झोलको पुर्ति हुने गर्दछ ।
यस्ता झोलिलो पदार्थमा शरीरलाई चाहिने सबै किसिमका आवश्यक पौष्टिक तत्व रहेको हुन्छ । जबकी बजारमा पाइने चिसो पेय पदार्थ, चिया तथा कफीको सेवनले भने मृगौलालाई राम्ररी प्रभावित पार्न सक्छ । त्यसैले, यस्ता झोलिलो पदार्थ सेवन गर्नबाट सदैव सावधान हुन जरुरी छ ।
मृगौलाका रोगीहरु मात्र नभएर सामान्य मानिसहरुले पनि औषधीको सेवन गर्नु पूर्व जहिले पनि चिकित्सकको सल्लाह लिएरमात्र औषधीको सेवन गर्नुपर्छ । जस्तो सुकै दुखाईमा पनि आफू खुशी औषधीको सेवन गर्नु हुँदैन । यसले मिर्गौलालाई नराम्ररी विर्गान सक्छ ।
धुमपान तथा मद्यपानका कारण पनि मृगौलालाई असर पर्न सक्छ । धुमपान तथा मद्यपानले शरीरमा विषाक्तको प्रवाह गर्छ । जसका कारण मृगौलाले काम गर्ने क्षमतामा कमी आउने गर्छ । र, मृगौला बिग्रने गर्छ । त्यसैले, आजैबाट धुमपान तथा मद्यपान त्यागौँ । मृगौलालाई विग्रनबाट जोगाऔँ ।
अनुसन्धानहरुले जनाए अनुसार मोटोपना हुने व्यक्तिमा समेत मृगौला सम्बन्धि रोग लाग्ने जोखिम धेरै हुने गर्छ । यस्तो जोखिम सामान्य मानिसहरुको तुलनामा मोटापना भएका मानिसमा दोब्बरले हुने गर्छ । त्यसैले, मृगौला सम्बन्धि रोग लाग्नबाट बच्नका लागि पनि मोटोपनाहुनबाट बच्न जरुरी छ ।
मृगौलालाई बिग्रनबाट जोगाउने सबैभन्दा राम्रो उपाय भनेको नियमित स्वास्थ्य परिक्षण हो । पिसाब, रगत तथा मृगौलाकोे नियमित परीक्षणद्वारा मृगौला सम्बन्धि रोग लाग्नबाट बच्न सकिन्छ । साथै, परिवारमा कसैलाई मधुमेह, उच्च रक्तचाप, हृदयाघात तथा क्यान्सरजन्य रोग लागेको छ भने, तीस वर्षको उमेर पश्चात्त नियमित स्वास्थ्य परिक्षणद्वारा पनि मृगौला सम्बन्धि रोग लाग्नबाट बचाउन तथा प्रारम्भिक जाँच मार्फत गम्भीर रोग लाग्नबाट समेत जोगाउन सकिन्छ ।
Discussion about this post