बाँके जेठ ४ गते ।
नेपाल समाजवादी विद्यार्थी युनियन जिल्ला समिति, बाँकेले संगठनका केन्दिय अध्यक्ष नेत्र चापागाईले सुरुवात गरेको एकल धर्ना अभियान प्रति ऐक्यबद्धता जनाएको छ । शैक्षिक सुधारको माग गर्दै अध्यक्ष चापागाईले यहि जेठ २ गतेदेखि एकल धर्ना कार्यक्रम सुरु गरेका छन् ।
अभियानमा नेपाल समाजवादी विद्यार्थी युनियन बाँकेको ऐक्यवद्वता र अपनत्व रहेको बाँके संयोजक टेकराज कँडेलले जारी गरेको विज्ञप्तिमा उल्लेख छ । ‘अभियानलाई जिल्लाभरी विभिन्न कार्यक्रमका साथमा विस्तार गरिने छ,’ जारी विज्ञप्तिमा उल्लेख छ ।
सरकारले संचालनमा ल्याएको प्रारम्भिक बाल विकास कार्यक्रमलाई बालवालिका सम्बन्धि अन्तर्राष्ट्रिय कानून, मुल्यमान्यता र देशको अवस्था हेरेर नीतिगत रुप ब्यवस्था गरि कम्तिमा समान तहको मान्यता हुने व्यवस्था गर्न, बाल विकास कार्यक्रममा आवद्ध शिक्षक–शिक्षिकाको योग्यता सुविधा अन्तर्राष्ट्रिय मापदण्ड अनुसार युग अनुकुल बनाउनु पर्ने, प्रत्येक तहमा सहयोगी शिक्षक कर्मचारीको व्यवस्था गरी हाल सेवा प्रदान गरिरहेका शिक्षक कर्मचारीलाई तत्काल बाल मनोविज्ञान, केयर गिभर मन्टेश्वरी सम्बन्धी तालिमको व्यवस्था गराउनु पर्ने, आर्थिक वर्षवाट बाल विकासलाई भौतिक संरचना, सिकाई सामग्री र उपयुक्त कार्यक्रमको लागि बजेट विनियोजन तथा नीति तथा कार्यविधि निर्माण गर्नुपर्ने माग अघि सारेको छ ।
‘विद्यार्थी खाजा कार्यक्रमका लागि छुट्याइएको प्रति विद्यार्थी १५ बजेट अन्त्य न्युन भएकोले यसै आर्थिक वर्षको बजेटबाट प्रति विद्यर्थी रु. ५० बनाई विद्यालयमा खाना पकाउने, खुवाउने सामग्री लगायत कर्मचारीको व्यवस्था गरी थप प्रभावकारी बनाउन माग गर्दछौँ,’ जारी विज्ञप्तिमा उल्लेख छ ।
तीन तहको सरकार बनेपछि भएको समन्वयगत जटिलता समाधानका लागि लागि तहगत क्षेत्राधिकारका साथै कर्तव्य र जिम्मेवारी स्पष्ट रुपमा तोकी पालनाका लागि पहल गर्न युनियनले माग गरेको छ ।
Discussion about this post