काठमाडौं कात्तिक ११ गते ।
नेपाल प्रहरीका सहायक हवल्दार कलिम बेहना र अर्का सहायक हवल्दार लागु औषधसहित काठमाडौंबाट पक्राउ परेका छन् ।
काठमाडौंमा लागु औषध बिक्रि गरिरहेको अवस्थामा कालिमाटी प्रहरी बृतमा कार्यरत सहायक हवल्दार पक्राउ परेका थिए। पक्राउ परेका सहायक हवल्दारले कलिमको पनि सभागिता भएको बयान दिएपछि प्रहरीले उनलाई पनि नियन्त्रणमा लिएको हो। दरवन्दी दाङ्ग भएका उनी पछिल्लो समय काजमा प्रहरी प्रधान कार्यालय उजुरी छानबिन महाशाखामा कार्यरत छन् ।
कालिमाटी प्रहरी बृतमा कार्यरत कलिमका साथी सहायक हवल्दारलाई काठमाडौं प्रहरी परिसर लागु औषध ब्युरोको टोलीले लागु औषध सहित कालिमाटीबाट पक्राउ गरेको श्रोतले जनाएको छ।
पक्राउ परेका सहायक हवल्दारले कलिमले लागु औषध बाँकेबाट ल्याएर आफुलाई बिक्रि गर्न पठाउने गरेको बयान दिएको उच्च श्रोतले जनाएको छ। पक्राउ परेका सहायक हवल्दार र सहायक हल्दार कलिमलाई छानबिनका लागि प्रहरी प्रधान कार्यालयमा लागिएको उच्च श्रोतले जानकारी दिएको छ।
यस बिषयमा प्रहरी प्रबक्ता डीआईजी दानबहादुर कार्कीसंग बुझ्न खोज्दा फोन नउठाएर प्लिज टेक्स्ट मी भनेर सन्देश पठाए। अनलाइन खोजखबरले जबाफ मागे पनि कुनै जवाफ दिएनन।
बेहना लामो समय प्रहरीको सादा पोशाकमा खटिएकोले उनलाई नाका र लागु औषध कारोवारको बारेमा राम्रो जानकारी छ। उनी लामो समयदेखि अवैध कारोवारमा संलग्न हुँदै आएपनि पावर र पैसाको आडमा जोगिदै आएका थिए ।
बाँके निवासी बेहना विवादित छविका प्रहरी हुन् । २०६४ मा प्रहरी जवानबाट प्रहरी सेवामा प्रवेश गरेका उनी दाङ, बाँके, लुम्बिनी प्रदेश कार्यालयमा बसेर सेवा गरिसकेका छन्। उनी २०७८ मा बढुवा भएका हुन् ।
शुक्रबार पक्राउ परेका उनलाई प्रहरीले शनिवार बिदा परेकोले प्रहरी प्रधान कार्यालयमा आज आइतवार हाजिरी गराइएको श्रोतले जानकारी दिएको छ। लागु औषध कारोवारी र अवैध असुली धन्दामा संलग्नहरुसँग साठगाँठ राखेर उनले प्रहरी संगठनकै बदनाम गर्ने काम गर्दै आएका छन् ।
उनका कर्तुतबारे अनलाइन खोजखवरले यसअघि पनि समाचार प्रकाशन गरिसकेको छ । कलिमलाई जोगाउन उच्च तहका प्रहरी अधिकारीले चलखेल गरिरहेको श्रोतले जनाएको छ।
उजुरी छानबिन महाशाखा संग पक्राउ परेका प्रहरीको नाम माग्दा समेत नदिएको काठमाडौं प्रहरी परिसरका एक प्रहरी अधिकृतले बताए। यस बिषयमा थप जानकारी सहित समाचार प्रकाशन गरिने छ।
Discussion about this post