बर्दिया माघ ११ गते ।
बर्दियामा विवाहको कानुनी उमेर २० बर्ष नै माग गर्दै ज्ञापन पत्र बुझाईउको छ । प्रतिनीधि सभामा विवाहको न्युनतम कानुनी उमेर २० बर्षबाट १८ बर्षमा झार्ने प्रस्ताव सांसदहरुले राखेपछि विवाहको कानुनी उमेर घटाउन नहुने भन्दै प्रमुख जिल्ला अधिकारी मार्फत ज्ञापन पत्र बुझाईएको हो ।
गैर सरकारी संस्था महासंघ, नागरिक समाज सञ्जाल पत्रकार महासंघ लगाएतका १९ ओटा संघ संस्था एवं अधिकारकर्मीहरुले ऐक्यवद्धता जनाउँदै विवाहको न्युनतम उमेर घटाउन नहुने माग राखेका छन् । उनीहरुले प्रतिनिधि सभाको सम्बन्धित समितिलाई विवाहको कानुनी उमेर २० बर्षबाट घटाउने कुनैपनि प्रस्ताव खारेज गर्न र यस कानुनी व्यवस्थालाई यथावत राख्न जोडदार माग गरेका छन् ।
वालविवाह न्युनीकरणका लागि समुदाय देखि सरोकारवाहरु सम्मका लागि किशोर किशोरी लक्षित यौन तथा प्रजनन स्वास्थ्य सम्बन्धि व्यापक जागरणका कार्यक्रम ल्याउन राज्यका संरचनाहरुलाई विशेष आग्रह गरेका छन् । ज्ञापनपत्रमा उठाएका सवालहरु कानुनसंवत र जायज भएको हुनाले सम्बन्धीत निकाय सम्म पुर्याउने प्रतिवद्धता बर्दियाका प्रमुख जिल्ला अधिकारी रुद्रादेवी शर्माले बताइन् ।
Discussion about this post