दाङ्ग कार्तिक ३० गते । दाङबाट प्रहरी ले ठुलो मात्रमा हतियार हरु फेला पारेको छ । दाङ्गको गढवा गाउँपालिका बाट गोठमा लुकाएर राखेको अबस्थामा पाँच थान अत्याधुनिक सटगन र त्यसमा प्रयोग हुने म्यागजिन १३ थान र ३९० थान गोलि बरामद गरीएको छ ।
प्रदेश प्रहरी कार्यालय दाङबाट विशेष सूचनाको आधारमा प्रदेश ५ प्रहरी कार्यालय, जिल्ला प्रहरी कार्यालय दाङ तथा इलाका प्रहरी कार्यालय गढवाको संयुक्त गस्ती टोलीले शुक्रवार बेलुकी ६ बजे शिवनगर–१ मा रहेको खाली गोठबाट रातो सुटकेसमा राखिएका उक्त हातहतियार बरामद गरिएको जिल्ला प्रहरी कार्यालय दाङका प्रहरी उपरीक्षक जनक भट्टराईले शनिवार पत्रकार सम्मेलन गरी जानकारी दिएको छ ।
विप्लव समूहले दाङ र कपिलवस्तुको सीमा हुँदै हातहतियार स्थानान्तरण गर्दैछ भन्ने सूचनाका आधारमा कात्तिक २६ गतेबाट निरन्तरको निगरानी तथा खोजतलासपछि हतियार बरामद गरिएको प्रहरीले बताएको छ । बरामद गरिएका हतियार कहाँ र कुन प्रयोजनका लागि लैजान लागिएको थियो भन्ने यकिन विप्लव समूहले राखेको प्रारम्भिक अनुसन्धानबाट खुलेको प्रहरी उपरीक्षक भट्टराईले बताए ।
उपनिर्वाचनको पूर्वसन्ध्यामा यति ठूलो मात्रामा अत्याधुनिक हतियार भेटिनुले सुरक्षा संवेदनशीलतामाथि अझ सतर्क रहन जिम्मेवारी बढेको देखिएको छ । दाङ प्रहरी ले कहि महिना अगाडि विप्लब समुहका धेरै नेता तथा कार्यकर्तालाई साना हतियार सहित समातेको थियो । दाङमा सुरक्षा सतर्कता बढाएको छ ।
Discussion about this post