बाँके बैशाख २९ गते ।
बाँकेका प्रहरी प्रमुख एसपी रामप्रसाद घर्ती मगरले जिल्लाको शान्ति, सुब्यवस्था कायम गर्न हरसम्भव प्रयास गर्ने बताएका छन्। बाँकेमा क्रियाशील पत्रकारसंगको साक्षात्कार कार्यक्रममा एसपी घर्तीमगरले नेपाल प्रहरीको नीति, नियम र परिधि भित्र रहेर काम गर्ने धारणा राखे ।
उनले प्रहरी र संचारकर्मी बिचको सहकार्यले अपराध न्युनिकरण गर्न सकिने बताउँदै समयमा सूचना प्रबाह गर्ने व्यवस्था मिलाउने प्रतिबद्धता जनाए । ’बाँकेवासीको सुरक्षा गर्न प्रहरी प्रधान कार्यालयले मलाई यहाँ पठाएको छ । जुन कामका लागि म यहाँ आएको छु त्यो दायित्व पुरा गरेर फर्किन्छु,’ उनले भने ।
बाँकेको बारेमा केहि जानकारी भएको बताउँदै उनले शान्ति, सुरक्षामा कुनै कसर बाँकी नराख्ने दोहोर्याए । ’मेरो तर्फबाट कुनै कसर बाँकी राख्ने छैन,’ उनले भने, ’शान्ति, सुरक्षा कायम गर्न प्रहरीलाई नागरिक समाजको सहयोग पनि अपरिहार्य छ ।’
Discussion about this post