बाँके जेठ २ गते ।
भेरी रकर्स स्पोट्र्स क्लबको आयोजनामा अन्तर वडा स्तरीय प्रथम प्रदेश सभा सदस्य कप क्रिकेट प्रतियोगिता नेपालगन्जको विशाल चोक खेल मैदानमा शुरु भएको छ ।
प्रतियोगिताको लुम्बिनी प्रदेशका सामाजिक बिकास मन्त्री जन्मजय तिमिल्सिनाले ब्याटिङ्ग र प्रदेश सभा सदस्य अम्बिका काफ्लेले बलिङ्ग गरेर उदघाटन गरेका हुन् ।
प्रदेश सभा सदस्य अम्बिका काफ्लेले विनियोजन गरेको संसद बिकास कोष(क्षेत्र विकास कोष) को बजेटबाट प्रतियोगिता संचालन भएको छ।
उदघाटन कार्यक्रममा सामाजिक बिकास मन्त्री तिमिल्सिनाले खेलकुदले मानिसको चौतर्फी बिकासमा टेवा पुर्याउने बताए। उनले खेलकुदलाई पर्यटनसंग जोड्न सकेको खण्डमा आर्थिक उपार्जनमा टेवा पुग्ने बताए । ’खेलले शारीरिक एवम् मानसिक रुपमा स्वस्थ बनाउँछ नै यसले आर्थिक रुपमा समेत सवल बनाउन मद्त गर्दछ,’ उनले भने ।
सो अवसरमा लुम्बिनी प्रदेश सभा सदस्य काफ्लेले खेल क्षेत्रको बिकासले सामाजिक, आर्थिक एवं स्वास्थ्यमा टेवा पुग्ने भएकोले बजेट विनियोजन गरेको बताइन । उनले नेपालगञ्ज क्रिकेटको उर्वर भूमी भएको बताउँदै खेलकुदलाई आर्थिक पाटो संग जोड्नु पर्ने धारणा राखिन् ।
१६ टिमको सहभागिता रहेको उक्त प्रतियोगिता उदघाटन कार्यक्रममा आयोजक भेरी रकर्स स्पोर्टस क्लबका अध्यक्ष मोहम्मद साजिद खानले प्रतियोगितले नयाँ प्रतिभा जन्माउन मद्धत गर्ने बताए । उनले भेरी रकर्स स्पोट्र्स क्लबले क्रिकेटको बिकासका लागि हरेक वर्ष प्रतियोगिता आयोजना गर्दै आएको बताए । प्रतियोगिता १० गतेसम्म संचालन हुने भएको छ ।
Discussion about this post