बर्दिया जेठ २ गते ।
बारबर्दिया नगरपालिका वडा नं.९ जब्दी गाउँका ५८ बर्षीया भग्गु थारु आफनो घर अगाडीबाट यातायात चल्ने भए पछि निकै खुसी भएका थिए । तर उनको खुसी धेरै दिन टिक्न पाएन । सडक डिभिजन कार्यालय बाँके सँग सम्झौता गरेर पप्पु कन्स्ट्रक्सने निर्माण गरेको पुल हस्तान्तरण हुनु पुर्वनै बाढीले बगाए पछि बारबर्दिया र गुलरिया नगरपालिकाको यातायात सम्पर्क नै टुटेको ८ वर्ष पुगेको छ । यस बिचमा धेरै परिवर्तन भए पनि नदीले बगाएको जब्दीपुल भने जस्ता त्यस्तै छ ।
गुलरिया र बारबर्दिया जोडने बबई नदीमा निर्माण भएको जब्दीपुल २०७४ साल असार ३० गते राति आएको बाढीले १४ वटा पिलर मध्य उत्तरतर्फका ४ वटा पिलर भासिए पछि पुलबाट यातायात साधन आवतजावतनै बन्द भयो । ०७९ साल साउन २९ गते राति आएको बाढीले पुल २ वटा स्लाप नै बगायो निकै आसा गरेका थियो अव सदरमुकाम सँग गाउँको दुरी निकै नजिक हुन्छ भनेर तर पुल बनेर हिडन नपाउँदै पुल बाढीले बगायो बारबर्दिया ९ जब्दी गाउँका स्थानीय भग्गु थारुले बताए ।
२०७९ को बाढीले पुलको स्लाप बगाए पछि अहिले सबै ठप्प छ । पुल निर्माणका लागि धेरै पटक आन्दोलन भएपनि सुनुवाई नभएको बारबर्दिया ९ का स्थानीय विश्वास सिंहले बताए । पुल भासिएको ९ वर्ष पुरा भएको छ । यस बिचमा पुल हेर्न धेरै उच्च तहका कर्मचारी देखि सासद मन्त्री सम्म आए । बन्दैन कसैले भन्दैन । तर बनेको छैन जब्दीलपुल सिंहले भने । उनले थपे–‘सरकार सँग हाम्रो यही माग छ चाडै पुल बनोस् ।’
बारबर्दिया नगरपालिका र सदरमुकाम गुलरियाको दुरी ८ किलोमिटर पनि छैन । यातायात सञ्चालन भएको भए बारबर्दियामा उत्पादन गरेको कृषि उपजले राम्रै बजार पाउँने अपेक्षा समेत कृषकको थियो । तर पुल निर्माण भएर सञ्चालनमा आउन नपाउँदै पुल भत्कियो अहिले सबै ठप्प भएको बारबर्दिया जब्दी गाउँका स्थानीय राम पाण्डेले बताए । ‘पुल निर्माण भएको केही समय सम्म गुलरिया देखि बारबर्दिया सम्म यातायात सञ्चालन गरेका थियौ २०७४ मा बाढीले पुल भासियो त्यसपछि यातायात सञ्चालन बन्द भयो’ कृष्णसार यातायात व्यवसायी प्रा.ली.बर्दियाका अध्यक्ष रवि मल्लले भने ।
नदीले बगाएको जब्दीपुल निर्माणका लागि बर्दिया क्षेत्र नं.१ का संघीय संसद् २ वर्ष अघि ८ दिन पुलकै तल अनसन बस्दा समेत सरकारले सुनेन । तत्कालीन भौतिक पूर्वाधार मन्त्री प्रकाश ज्वालाले अनसन स्थलमा पुगेर पुल निर्माण हुने कुरामा बिश्वस्थत बनाउँदै संसद्को अनसन तोडाए । तर अहिले सम्म पुल निर्माण हुन सकेन । पुल निर्माण गर्न अनसन देखि पटक पटक प्रतिनिधिसभामा कुरा उठाएको भए पनि अहिले सम्म सुनुवाइ नभएको बर्दिया क्षेत्र नं. १ का संघीय संसद् सञ्जय कुमार गौतमले बताए ।
Discussion about this post