काठमाडौं साउन १९ गते ।
देशभर ८३.८८ प्रतिशत धान रोपाइँ सकिएको छ । कृषि तथा पशुपन्छी विकास मन्त्रालयका अनुसार, साउन १८ गतेसम्म देशभर ८३.८८ प्रतिशत धान रोपाइँ सम्पन्न भएको हो ।
अघिल्लो वर्ष साउन २० सम्म ९६.४७ प्रतिशत धान रोपाइँ सम्पन्न भएको थियो । यस वर्ष अधिकांश प्रदेशमा अघिल्लो वर्षको तुलनामा रोपाइँ कम भएको तथ्यांक छ । मनुसन चाँडै भित्रिए पनि समयमै पानी नपर्दा देशभर राम्रोसँग रोपाइँ हुन पाएको छैन ।
मन्त्रालयका अनुसार, कोसी प्रदेशमा साउन १८ सम्म ८९.०३ प्रतिशत धान रोपाइँ भएको छ । कुल दुई लाख ७६ हजार ३८६.७३ हेक्टर धान रोपाइँ हुने क्षेत्रफलमध्ये दुई लाख ४६ हजार ६५.४४ हेक्टरमा रोपाइँ सम्पन्न भएको हो । अघिल्लो वर्षको साउन २० सम्म कोसीमा प्रदेशमा ९५ प्रतिशत रोपाइँ भएको थियो ।
मधेस प्रदेशमा साउन १८ सम्म जम्मा ५७.२८ प्रतिशत रोपाइँ भएको छ । वाग्मती प्रदेशमा यस वर्ष ९२.९२ प्रतिशत रोपाइँ भएको छ । गण्डकी प्रदेशमा यस वर्ष ८८.९७ प्रतिशत रोपाइँ भएको छ । लुम्बिनी प्रदेशमा यस वर्ष ९५.९६ प्रतिशत रोपाइँ भएको छ । कर्णाली प्रदेशमा यस वर्ष ९६.४७ प्रतिशत रोपाइँ भएको छ । सुदूरपश्चिम प्रदेशमा यस वर्ष ९९.७२ प्रतिशत रोपाइँ भएको छ । अघिल्लो वर्ष साउन २० सम्मको तथ्यांकअनुसार देशभर ९६.४७ प्रतिशत रोपाइँ भएको तथ्यांक छ ।
Discussion about this post