बाँके असोज १९ गते ।
जेन–जी प्रदर्शनको अवसरमा नौबस्ता कारागारबाट फरार भएका तीनजना कैदीलाई प्रहरीले पक्राउ गरी पुनः कारागारमा बुझाएको छ । जिल्ला प्रहरी कार्यालय बाँकेका अनुसार फरार कैदीहरूलाई फरक–फरक स्थानबाट पक्राउ गरिएको हो ।
२०६६ सालदेखि लागूऔषध मुद्दामा ५ वर्ष ६ महिनाको कैद सजाय भोगिरहेका बाँके गाउँपालिकाका ज्याम मर्ने उद्योगका मुद्दाका अभियुक्त मनोज चन्दलाई प्रहरीले असोज १६ गते पक्राउ गरी कारागारमा बुझाएको जनाएको छ ।
त्यसैगरी, कोहलपुर नगरपालिका–३ मैतेहवाबाट इ.प्र.का. कोहलपुर बाँकेबाट खटिएको प्रहरी टोलीले जिल्लाको मुद्धा शाखाबाट जारी मुद्धाका प्रतिवादी सोही स्थानका डिलबहादुर धामीलाई पनि पक्राउ गरी आवश्यक कारबाही अघि बढाएको छ ।
यस्तै, खजुरा गाउँपालिका–४ डि गाउँकी २० वर्षीया गंगा कुमारी खड्कालाई पनि प्रहरीले पक्राउ गरेको छ । उनी लागूऔषध मुद्दामा बाँके जिल्ला अदालतले २०७९ असार १६ गते ४ वर्ष ९ महिनाको कैद र ५० हजार रुपैयाँ जरिवानाको फैसला सुनाएको थियो ।
असोज १४ गते उनलाई समेत पक्राउ गरी कारागारमा बुझाइएको प्रहरीले जनाएको छ । जिल्ला प्रहरी कार्यालय बाँकेका सूचना अधिकारी एवम् प्रहरी नायब उपरीक्षक दीपक पातलीले फरार कैदीहरूलाई पक्राउ गरी आवश्यक कारवाही अघि बढाइएको जानकारी दिए ।
Discussion about this post