बाँके असोज २५ गते ।
बाँके प्रहरी प्रमुखमा एसपी अंगुर जिसी आएपछि अपराधमा संलग्नलाई धमाधम पक्राउ गर्न थालिएको छ । नेपालगन्जको एक होटलमा छापा मारेर १४ जना जुवाडेलाई पक्राउ गरेको बाँके प्रहरीले लगत्तै चार वटा होटलमा छापा मारेर बेश्याबृत्तिमा संलग्न ४५ जनालाई नियन्त्रणमा लिएको छ ।
होटलमा बेश्यबृत्ति भइरहेको गोप्य सुचनाको आधारमा बाँके प्रहरीले छापा मारेर ४५ जनालाई नियन्त्रणमा लिएको बाँकेका प्रहरी प्रमुख एसपी अंगुर जिसीले जानकारी दिए । अपराधमा संलग्नलाई कुनै पनि बहानामा छुटकारा नदिने प्रतिवद्धता गरे अनुसार अगाडी बढेका एसपी जिसीको निर्देशनमा शुक्रवार नेपालगन्जको मिलन कटेल, दंगाली होटल, भेरी कर्णाली होटल र रिभर साइड होटलमा छापा मारेको हो ।
उनले भने, ‘नेपालगन्जका होटलमा बेश्याबृत्ति भइरहेको गोप्य सुचनाको आधारमा छापा मार्दा एकैदिन ४५ जनालाई नियन्त्रणमा लिन सफल भएका छौँ । यसले नेपालगन्जका होटलमा बेश्याबृत्ति हुन्छ भन्ने प्रमाणित भएको छ ।’ पक्राउ पर्नेमा ३१ जना महिला र १४ जना पुरुष रहेको उनले बताए । पक्राउ परेका उपर अनुसन्धान भइरहेको उनको भनाई छ । ‘बेश्यबृत्तिमा संलग्न भएको पुष्टि भएमा कानुन बमोजिम कारवाही हुन्छ,’ एसपी जिसीले अनलाइन खोजखवरसँग भने ।
जिसीले बाँके प्रहरी प्रमुखको जिम्मेवारी सम्हालेपछि तस्करहरु त्रसित भएका छन् । उनकै निर्देशनमा भारी परिमाणमा भन्सार छलीको अवैध सामानसमेत बरामद भएको छ ।
उनले बाँकेको शान्ति सुरक्षामा कुनै कसर बाँकी नराख्ने बताएका छन् । ‘बाँकेका नागरिकलाई शान्ति, सुरक्षाको प्रत्याभूती दिलाउनल र खुल्ला सीमानाका कारण हुने तस्करी नियन्त्रणका लागि म यहाँ आएको हुँ । अपराध नियन्त्रण गर्न कुनै कसुर बाँकी नराखी काम गर्ने प्रतिवद्धता अनुसार काम गरिरहने छु,’ उनले भने ।
Discussion about this post