काठमाडौं कात्तिक ६ गते ।
प्रहरीले ठूलो परिमाणमा अवैध पैसा र सुन बरामद गरेको छ । स्रोत नखुलेको पैसा र बिल नभएको सुन काठमाडौंको सानोभर्याङस्थित एक घरबाट बरामद भएको हो ।
चिनियाँ नागरिक ३८ वर्षीय यिनहोल र धादिङ निलकण्ठ नगरपालिकाकी २२ वर्षीया रेजिना सुनारको कोठामा सुटकेस र सोफामुनी लुकाएर राखेको अवस्थामा पैसा तथा सुन बरामद गरिएको प्रहरीले जानकारी दिएको छ ।
उनीहरूबाट ६९ लाख ८५ हजार रुपैयाँ नगद बरामद गरिएको प्रहरी वृत्त स्वयम्भूले जनाएको छ ।
सुन जस्तो देखिने पँहेलो धातुको नेकलेस दुई थान, झुम्का दुई थान, बाला चार थान, औंठी तीन थान, नथी एक थान, शीरबन्दी एक थान, आईफोन चार थान, म्याक बुक एक थान, मोबाइल एक थान बरामद गरिएको प्रहरीले जनाएको छ ।
बा.प्र. ०१ –०३१ प ५२६२ नम्बरको एउटा बीवाईडी गाडी, सुनारको नागरिता, यिनहोलको राहदानी पनि बरामद गरिएको प्रहरीले जानकारी दिएको छ । सोही घरको कोठामा बस्ने चारजना महिलालाई सोधपुछका लागि प्रहरीले नियन्त्रणमा लिएको प्रहरी वृत्त स्वयम्भूले जनाएको छ ।
Discussion about this post