बाँके मंसिर १२ गते ।
अलग–अलग मुद्दामा फरार रहेका दुई जना प्रतिवादीलाई बाँके प्रहरीले पक्राउ गरेको छ ।
लागूऔषध मुद्दामा बाँके जिल्ला अदालतबाट १ महिना १२ दिन कैद सजाय तोकिएका बैजनाथ गाउँपालिका–३ का राजु चौधरीलाई प्रहरीले पक्राउ गरेको छ । उनलाई आवश्यक कानुनी कारवाहीका लागि अदालतमा पेश गरिएको जिल्ला प्रहरी कार्यालय बाँकेले जनाएको छ ।
त्यसैगरी चोरी मुद्दामा बाँके जिल्ला अदालतबाट १ वर्ष कैद र १ हजार जरिवाना तोकिएका कोहलपुर नगरपालिका–१० का रोहित कुमार थारुलाई प्रहरीले पक्राउ गरेको छ । उनलाई पनि आवश्यक प्रक्रिया पूरा गर्न अदालतमा बुझाइएको प्रहरीले जनाएको छ ।
प्रहरीका अनुसार दुबै प्रतिवादी लामो समयदेखि फरार रहेका थिए ।
जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक दिपक पातलीले दुबै जनालाई अदालतमा आवश्यक कारबाहीका लागि पेश गरिएको जानकारी दिए ।
Discussion about this post