बाँके पुस ७ गते ।
ठुलो परिमाणको ब्राउन सुगरसहित नेपालगञ्ज बजारबाट दुई जनालाई प्रहरीले पक्राउ गरेको छ ।
जिल्ला प्रहरी कार्यालय बाँकेका अनुसार नेपालगञ्ज उपमहानगरपालिका–२ बाट ५४ ग्राम ६० मिलिग्राम ब्राउनसुगरसहित नेपालगञ्ज उपमहानगरपालिका–१२ बेलासपुरका ४३ वर्षीय सुवोध क्षेत्री र बैजनाथ गाउँपालिका–१ बस्ने ३२ वर्षीय यामबहादुर बुढालाई पक्राउ गरिएको हो ।
सुबोध र यामबहादुरलाई जिल्ला प्रहरी कार्यालय बाँके र लागूऔषध नियन्त्रण ब्यूरो शाखा कार्यालय नेपालगञ्जबाट खटिएको संयुक्त टोलीले गएराति पक्राउ गरेको जिल्ला प्रहरी कार्यालय बाँकेले जनाएको छ ।
५४ ग्राम ६० मिलिग्राम ब्राउन सुगरसहित पक्राउ परेका उनीहरुविरुद्ध आज जिल्ला अदालत बाँकेबाट म्याद थप गरेर घटनाबारे लागुऔषध कसुरमा थप अनुसन्धान अगाडि बढाइएको जिल्ला प्रहरी बाँकेले जानकारी दिएको छ ।
ADVERTISEMENT
Discussion about this post