बाँके मंसिर ६ गते । साईबर अपराधबाट बच्नको लागि प्रविधिको सही सदुपयोग गरि मात्र सामाजिक सन्जालमा आफनो विचार राख्न नरैनापुरका किशोरीहरुको सुझाव रहेको छ ।
प्लान इन्टरनेशल नेपालको सहयोगमा नरैनापुर गाउँपालिका वडा नं.६ को समन्वय र स्याक नेपालको आयोजनामा २ दिने किशोरीका क्लबका पदाधिकारीका लागि साईबर कानुन र सामाजिक सन्जाल मार्फत लेख प्रकाशन सम्बन्धि तालिममा सो कुरा बताएका हुन् । नरैनापुर गाउँपालिका वडा नं. ६ का वडा सचिव जिवनलाल यादवले किशारीहरुलाई यो तालिमले साईबर अपराधबाट बच्न र कसरी आफनो विचारहरु कसरी सामाजिक सन्जालमा पोस्ट गर्ने मद्धत पुग्ने विश्वास ब्यक्त गर्नुभयो ।
सो तालिममा नरैनापुर गाउँपालिका वडा नं.६ का सिर्जनशिल किशोरी क्लबका २ दर्जन बढी किशोरीको सहभागिता रहेको थियो । सो तालिमका प्रशिक्षक नेपाल युवा परिषद प्रदेश नं.५ का संयोजक सोम गुरुङले क्म्प्युटरका आधारभुत जानकारी साथै सामाजिक सन्जालबाट कसरी सुरक्षित रहने उपाय बारे र साईवर कानुन बारे पनि प्रशिक्षण दिएका थिए । साथै सामाजिक सन्जाल कसरी सुरक्षित भई सन्चालन गर्ने र ईमेलको फाइदा साथै आफनो विचार कसरी ब्लग बनाई राख्न सकिने भन्ने बारे प्रशिक्षण दिएका थिए । साथै त्यसै गरि स्याक नेपालका सुपरभाईजर त्रिभुवन प्रसाद यादवले लैगिंक हिंसा र बालविवाह रोक्ने उपायहरुका बारेमा जानकारी गराएका थिए ।
नरैनापुर गाउँपालिका वडा नं. ६ का सर्जनशिल किशोरी क्लबका उपाध्यक्ष करुणा विकले यस तालिममा साइबर कानुनको बारेमा जानकारी पाएको र साईबर अपराधबाट कसरी बच्न सकिन्छ भन्ने बारे जानकारी पाएको बताइन् साथै सामाजिक सन्जालमा कसरी लेख प्रकाशन गर्ने भन्ने बारे जानकारी पाएको बताईन् । त्यसैगरि अर्का सहभागी मरियम मुकेरीले सामाजिक सन्जालका फाईदा र बेफाईदा बारे जानकारी साथै बाल संरक्षण कसरी गर्न सकन्छ भन्ने बारे पनि जानकारी भएको बताईन् ।
समाजमा बाल बिवाहले पार्ने नकारात्मक प्रभाव र कानूनी ब्यवस्थाका बारेमा जानकारी गराई बालबिवाह रोक्न अभिप्रेरित गर्ने, बालमैत्री र लैंगिक मैत्री बातावरण संचालन गर्नमा मद्धत पुग्ने लगायतका उदेश्यका साथ यस तालिमको आयोजना गरिएको स्याक नेपालका परियोजना प्रबन्धक जगदिश थापाले जानकारी दिए ।
Discussion about this post