खोजखबर संवाददाता
बाँके असार १७ गते । महिला र बालिका विरुद्ध हुने हिंसा अन्त्यका लागी घरदैलोमा पुगी हस्ताक्षर संकलन तथा प्रतिबद्धता समेत संकलन गरिरहेका छन् । महिला र बालिका विरुद्ध हुने हिंसा अन्त्यका लागी सचेतना फैलाउन सामाजिक सचेतन सरोकार मन्च (स्याक नेपाल ) र अक्सफाम नेपालको साझेदारीमा संचालन भएको महिला र बालिका विरुद्ध हुने हिंसा अन्त्यका लागी अभियान कार्यक्रम अन्तर्गत राप्तीसोनारी गाउँ पालिकाको वडा नं.५,६ र ७ र डुडुवा गाउँपालिको वडा नं.१,२,४र५मा १७ वटा सामुदायिक छलफल केन्दको नेतृत्वमा र प्रहरी,शिक्षक,वडा कार्यालय,स्वास्थ्य स्वयमसेविका, सहजकर्ताहरुको सक्रियतामा कार्यक्रम सन्चालन भईरहेको स्याक नेपालका परयोजना संयोजक राम कुमारी चौधरीले जानकारी दिइन् । डुडुवा गाउँपालिकाका अध्यक्ष नरेन्द्र कुमार चौधरीले हस्ताक्षर गर्नु हुर्दै महिला हिंसा र वाल विवाह न्युनिकरणका लागी डुडुवा गाउँपालिका पनि सकृय भएर लाग्ने प्रतिबद्धता ब्यक्त गर्नु भयो । त्यसै गरि डुडुवा गाउँपालिको वडा नं.५का वडा अध्यक्ष पर्शुराम बुढाथोकीले हस्ताक्षर गर्नु हुदै महिला तथा बालबालिकामा हुुने हिंसा रोक्न घरपरिवार नै सचेत हुुने पर्ने बताउनुभयो । साथै उहाँले यस्ता अभियानमा वडा कार्यालयले पनि सहकार्य र समन्वय गर्ने प्रतिबद्धता ब्यक्त गर्नुभयो । स्याक नेपालको समन्वयमा महिला हिंसा र वाल विवाह न्युनिकरणका लागी घरदैलो हस्ताक्षर तथा प्रतिबद्धता कार्यक्रम डुडुवा र राप्ती सोनारी गाउँपालिका सन्चालन भईरहेको स्याक नेपालका कृष्ण गिरीले जानकारी दिए ।
Discussion about this post