बाँके चैत १५ गते।
बाँकेको नेपालगन्ज उपमहानगरपालिका–१२, कोरियनपुरस्थित भेरी प्राविधिक शिक्षालय नजिक आगोले जलेको अवस्थामा फेला परेकी एक अज्ञात युवतीको उपचारका क्रममा मृत्यु भएको छ।
जिल्ला प्रहरी कार्यालय बाँकेका सूचना अधिकारी, प्रहरी नायब उपरीक्षक दीपक पातलीका अनुसार, गएराति करिब १२ बजेतिर करिब २५–३० वर्षीया युवती गम्भीर रूपमा जलेको अवस्थामा भेटिएकी थिइन्।
घाइते युवतीलाई तत्काल उपचारका लागि भेरी अस्पताल पु¥याइए पनि उपचारकै क्रममा उनको मृत्यु भएको प्रहरीले जनाएको छ।
मृतकको हालसम्म पहिचान खुल्न सकेको छैन। शव भेरी अस्पतालमै राखिएको छ। घटनाको कारण खुल्न नसकेको र यसबारे थप अनुसन्धान भइरहेको प्रहरीले जनाएको छ।
ADVERTISEMENT
Discussion about this post