महोत्तरी वैशाख १९ गते ।
महोत्तरीको मनराशिसवा नगरपालिका–२ स्थित सीमा क्षेत्रमा सशस्त्र प्रहरीले छापा मारेर भारततर्फ अवैध रूपमा लैजान लागिएको ठूलो परिमाणको स्याउसहित तीन वटा पिकअप गाडी नियन्त्रणमा लिएको छ।
प्रहरीका अनुसार ६ हजार ९ किलोग्राम स्याउ ३ सय ४५ कार्टुनमा राखी विभिन्न नम्बरका गाडीमार्फत तस्करी गर्न लागिएको अवस्थामा फेला परेको हो।
नियन्त्रणमा लिइएका गाडीहरूमा प्रदेश ०२–०२–००१ च ०७२२, प्रदेश १–०४–००१ च ०४१४ र मधेश प्रदेश ०४–००१ च ०३८० नम्बरका पिकअप रहेका छन्। सशस्त्र प्रहरी बल नेपाल नं ९ गण महोत्तरी तथा मातहत युनिटबाट खटिएको टोलीले विशेष सूचनाका आधारमा उक्त सामग्री बरामद गरेको हो।
बरामद स्याउ तथा गाडीहरू आवश्यक कारबाहीका लागि भन्सार कार्यालयमा बुझाउने प्रक्रिया अघि बढाइएको सशस्त्र प्रहरीले जनाएको छ। सशस्त्र प्रहरी बलका सहप्रवक्ता डीएसपी शैलेन्द्र थापाले सीमा क्षेत्रमा हुने अवैध तस्करी नियन्त्रणका लागि निगरानी थप कडाइ गरिएको जानकारी दिए।
Discussion about this post