काठमाडौें, भदौ १७ गते ।
रसुवालगायत बाढी प्रभावित क्षेत्रका लागि आर्थिक सहयोग जुट्ने क्रम बढेको सरकारले जनाएको छ।
प्रधानमन्त्री वालेन्द्र शाहले बुधबार प्रतिनिधिसभाको बैठकमा सम्बोधन गर्दै सरकारले प्रधानमन्त्री दैवी प्रकोप उद्धार कोष र प्रधानमन्त्री राहत कोषमार्फत बाढी प्रभावितका लागि आर्थिक सहयोग जुटाइरहेको बताए।
उनका अनुसार बुधबारसम्म राहत कोषमा ७ अर्ब ८८ लाख ५७ हजार २ सय १७ रुपैयाँ जम्मा भएको छ।
कोषमा जम्मा भएको रकममध्ये मंगलबार मात्रै राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई १ अर्ब रुपैयाँ निकासा गरिएको उनले बताए। उक्त रकममध्ये ६ करोड ७५ लाख रुपैयाँ रसुवा, नुवाकोट, धादिङ, गोरखा र तनहुँका बाढी प्रभावित १५ वटा पालिकामा निकासा भइसकेको छ।
प्रधानमन्त्री शाहका अनुसार हाल राहत कोषमा ६ अर्ब ८८ लाख ५७ हजार २ सय १७ रुपैयाँ मौज्दात छ। त्यस्तै, थप ६१ लाख ४१ हजार ७ सय २ अमेरिकी डलरसमेत कोषमा जम्मा भएको उनले जानकारी दिए।
Discussion about this post