खोजखबर संवाददाता
बाँके असार २० गते । नेपालगञ्ज नगर विकास समितिको अध्यक्षको रुपमा नगर प्रमुख डा. धवल शम्शेर राणाले आज पदभार ग्रहण गरेका छन ।
आज शुक्रबार समितिको पहिलो बैठक सम्पन्न भएको नगर विकास समितिका सदस्य तथा नेपालगञ्ज उपमहानगरपालिकाका प्रबक्ता प्रमोद रिजालले बताउनुभयो ।
नगर विकास समितिमा नेपालगञ्ज उपमहानगरपालिकाबाट मेयर डा. राणा अध्यक्ष र उपमेयर उमा थापा, प्रबक्ता रिजाल र वडा नम्बर १८ का अध्यक्ष दिपक वर्मा सदस्य
रहनुभएको छ ।
यसैगरी जिल्ला समनवय समितिका सदस्य चेतबहादुर घर्ती, सहायक प्रमुख जिल्ला अधिकारी मोहन अर्याल, भूमि सुधार तथा मालपोत कार्यालय बाँकेका प्रमुख प्रेम दौल्याल, नापी कार्यालयका प्रमुख पूर्णप्रसाद पाण्डे, समाजसेवी ओमप्रकाश श्रीवास्तव र सदस्य सचिवमा नेपालगञ्जका प्रमुख प्रशासकीय अधिकृत हरी प्याकुरेल रहनुभएको छ । पहिलो बैठकले निवर्तमान नगर विकास समितिलाई धन्यवाद ज्ञापन गर्ने निर्णय गरेको छ ।
Discussion about this post