सुर्खेत मंसिर १६ गते ।
ऊर्जामन्त्री वर्षमान पुन र कर्णाली प्रदेशका मुख्यमन्त्री महेन्द्रबहादुर शाहीलाई तर्साउन कालिकोटमा बम विस्फोट गराइएको छ।
प्रतिबन्धित नेत्रविक्रम चन्द्र ‘विप्लव’ का कार्यकर्ताहरुले दुई ठाउँमा बम विस्फोट गराएको प्रदेश प्रहरी कार्यालय सुर्खेतका सूचना अधिकारी लोकनाथ तिमिल्सेनाले पुष्टि गरे।
उनका अनुसार सान्नी त्रिवेणी गाउँपालिका–३ को लुईयाँटा र पचालझरणा गाउँपालिका–१ सिकुको जंगलमा बम विस्फोट गराएका थिए। यद्यपि बम विस्फोटबाट मानवीय क्षति भएको छैन। कार्यक्रमस्थल भन्दा धेरै टाढा बम विस्फोट गराएका थियो।
पहिलो बम मन्त्रीहरु सवार हेलिकोप्टर ल्याण्डिङ हुनै लाग्दा र दोस्रो बम उर्जामन्त्री पुनले कार्यक्रमलाई सम्बोधन गर्दैगर्दा बिष्फोट गराएको कार्यक्रमस्थलमा रहेका पत्रकार पुष्पराज भट्टराईले जानकारी दिए।
मन्त्री पुन, मुख्यमन्त्री शाही र नेकपाको जम्बो टोली कालिकोटको रास्कोट नगरपालिका –६ शान्तिघाटमा निर्माणाधीन फुकोड कर्णाली हाइड्रोको अनुगमनका गएका थिए।
बम बिस्फोट लगत्तै विप्लव कालीकोट सेक्रेटरी मनिलाल ऐडीले मन्त्रीहरुलाई तर्साउन बम विस्फोट गराएको कालिकोटका सञ्चारकर्मीलाई जानकारी दिएका थिए।
Discussion about this post