विष्णु अधिकारी बर्दिया, मंसिर २७ गते ।
नेपाली सेनाले र नागरिकका विचमा रहेको दुरी कम गर्न र अपेक्षा बुझ्ने उद्देश्यले बर्दियामा अन्तरक्रिया कार्यक्रम गरेको छ । कार्यक्रममा नेपाली सेनाले निर्माण गरेको वृतचित्रको माध्यमबाट योग्य व्यक्तिले सेनामा भर्ना हुनका लागि कुनैपनि किसिमको भ्रममा नपर्न संदेश दिएको छ । शुक्रवार जिल्ला प्रशासन कार्यालय बर्दियामा स्थानीयबासी, भुपु सैनिक, नागरिक समाज, गैर सरकारी संस्था, संचारकर्मीहरु विच नेपाली सेना प्रति जनमानसमा फैलिएको भ्रम चिर्नका लागि कार्यक्रम गरिएको नेपाली सेनाले बताएको छ । कार्यक्रममा नेपाली सेनामा भर्नाहुनका लागि योग्य व्यक्ति भन्दा पनि माथिल्लो दर्जाका कर्मचारीको पहुच र पैसाकोको भरमा जागिर खान पाईने भ्रमलाई चिर्दै योग्य नेपाली नागरिकले सहजै भर्ना हुन सक्ने प्रावधान रहेको उत्तर पश्चिम पृतनापती सरोज विक्रम राणाले बताए ।
पृतनापति राणाले भर्ना हुनका लागि यदि कसैले कुनै प्रलोभन दियो भने त्यसको जानकारी गराई त्यस्ता व्यक्तिलाई कारवाहीको दायरामा ल्याउन नेपाली सेनालाई सहयोग गर्न आग्रह गरेका छन् । कार्यक्रममा पृतनापती राणाले अन्तरक्रियामा उठेका सहभागीहरुको जिज्ञासा मेटाउदै यहाँबाट प्राप्त सल्लाह र सुझावलाई मार्ग दर्शनको रुपमा अगाडी बढाई सेनाको काम कारवाही अझ प्रभावकारी ढंगबाट अगाडी बढाउने प्रतिवद्धता व्यक्त गरेका छन् । नेपाली सेनाको आलोचनात्क समिक्षाले आफुहरु सच्चिन मौका मिल्ने भएकाले नागरिक र सेनाहरुको विचमा रहेको दुरी कम गर्न यस्ता अन्तरक्रिया कार्यक्रमले थप उर्जा मिल्ने बताए । पृतना पति राणाले नागरिकको भावना अनुरुप नेपाली सेनाले काम कारवाही अगाडी बढाउने प्रतिवद्धता व्यक्त गरेका छन् । उनले बर्दियामा तराई क्षेत्र भएकाले सर्पको बढि विगविगि हुने हुदां सर्पले टोकेका मानिसहरुको सेवाका लागि सर्पदर्श उपचार केन्द्र खोल्न आफुले पहल गर्ने बताएका छन् ।
नेपाली सेनाले बर्दियामा सेनाको गुल्म तथा बटालियन थपका लागि पहल गर्न प्रमुख जिल्ला अधिकारी प्रेम नारायण लामिछाने आग्रह गरेका छन् । बर्दिया राष्ट्रिय निकुञ्ज बर्दियाको गहनाको रुपमा रहेको भएता पनि बेला बेलामा हुने वन्यजन्तु र मावन विचको द्धन्दमा कमि ल्याउन पहल गर्नुपर्ने समेत प्रजिअ लामिछानेले बताए । निकुञ्जको मध्यवर्ती क्षेत्रमा बसोबास गर्ने नागरिकलाई वन्य जन्तुबाट बच्नका लागि विशेष तालिमहरु दिनुपर्ने लामिछानेले बताए । कार्यक्रममा नेपाली सेना प्रतिको जनगुनासोहरु नागरिकहरुले खुलेर राखेका थिए भने सेनाले नागरिकको गुनासो तथा जिज्ञासाको समाधान गरेको थियो ।
Discussion about this post